ലോകമെമ്പാടും ആരാധകരുള്ള താരമാണ് ഇന്ത്യന്‍ ക്രിക്കറ്റ് ഇതിഹാസം സച്ചിന്‍ തെണ്ടുല്‍ക്കര്‍. ക്രിക്കറ്റിനെ സ്‌നേഹിക്കുന്നവര്‍ പ്രായഭേദമന്യേ സച്ചിനോടുള്ള ആരാധന പ്രകടിപ്പിക്കാറുമുണ്ട്. പത്തുമാസം മാത്രം പ്രായമുള്ള കുഞ്ഞന്‍ ആരാധകനാണ് ഇപ്പോള്‍ സച്ചിന്റെ ഹൃദയം കവര്‍ന്നിരിക്കുന്നത്.
സച്ചിന്‍ എന്നെഴുതിയ പത്താം നമ്പര്‍ ഇന്ത്യന്‍ ജേഴ്‌സി അണിഞ്ഞ് കുഞ്ഞു ക്രിക്കറ്റ് ബാറ്റും ബോളുമായി മൈതാനത്തിരിക്കുന്ന കുഞ്ഞനാണ് പുതിയ ആരാധകന്‍. ആനന്ദ് മേഹ്ത്ര എന്ന ആളാണ് കുട്ടിയുടെ ചിത്രം ഫേസ്ബുക്കില്‍ പോസ്റ്റ് ചെയ്തത്. സച്ചിനെ അഭിസംബോധന ചെയ്തുള്ള അടിക്കുറിപ്പോടെയാണ് ചിത്രം.
Sachin Sir,@sachin_rt
Though you have retired from cricket, you will never gonna retire from our hearts.
A small tribute to the ‘Little Master Blaster’ from our Little Master (Shresth Mehta)
#MyNephew#10Months#Cricket#SachinTendulkar#TheLittleMaster#Hyderabad
LB Stadium-186* pic.twitter.com/1FNBygp9gS— Anand Mehta (@AnandMe69608767) February 16, 2020
‘സച്ചിന്‍ സര്‍, നിങ്ങള്‍ ക്രിക്കറ്റില്‍ നിന്നും വിരമിച്ചെങ്കിലും ഞങ്ങളു
ടെ ആരുടെയും മനസില്‍നിന്നും ഒരിക്കലും അങ്ങ് വിരമിക്കുന്നില്ല. ഇത് ഞങ്ങളുടെ പത്ത് മാസം പ്രായമുള്ള ലിറ്റില്‍ മാസ്റ്റര്‍ ശ്രേഷ്ത് മെഹ്ത അങ്ങേയ്ക്ക് നല്‍കുന്ന ചെറിയ ആദരമാണ്. സുഹൃത്തുക്കളെ, ഈ പോസ്റ്റ് പരമാവധി ഷെയര്‍ ചെയ്യുക. ഈ ചിത്രം സച്ചിന്‍ സാറിന്റെ ശ്രദ്ധയിലെത്തിക്കുക എന്നതാണ് ഞങ്ങളുടെ ലക്ഷ്യം’, ചിത്രം പങ്കുവെച്ചുകൊണ്ട് ആനന്ദ് ഫേസ്ബുക്കില്‍ കുറിച്ചതിങ്ങനെ. ഇദ്ദേഹത്തിന്റെ സഹോദരീ പുത്രനാണ് ചിത്രത്തിലുള്ള കുഞ്ഞ് ശ്രേഷ്ത്.
ചിത്രം വളരെപെട്ടന്നുതന്നെ സോഷ്യല്‍മീഡിയയില്‍ വൈറലായി. എന്തിനേറെ, സച്ചിന്‍ തന്നെ ചിത്രത്തിന് മറുപടിയുമായി രംഗത്തെത്തി.
Never too young for 🏏😀!!
Thank you for sharing such beautiful pictures.
I wish all the very best to 10-month old Shresth and his family. https://t.co/tKWfCw1C95— Sachin Tendulkar (@sachin_rt) February 28, 2020
ചിത്രം പങ്കുവെച്ചതിന് നന്ദിയറിയിച്ച താരം ശ്രേഷ്തിനും കുടുംബത്തിനും ആശംസകളും നേര്‍ന്നു. ട്വിറ്ററിലൂടെയായിരുന്നു സച്ചിന്റെ മറുപടി. സച്ചിന്റെ ട്വീറ്റും നിമിഷനേരം കൊണ്ട് വൈറലായി.
എനിക്കിത് വിശ്വസിക്കാന്‍ കഴിയുന്നില്ല. അതേ. ദൗത്യം വിജയിച്ചിരിക്കുന്നു. പ്രിയപ്പെട്ട സച്ചിന്‍, നിങ്ങളാണ് ഈ ലോകത്തെ ഏറ്റവും മികച്ച വ്യക്തിത്വം’, എന്നാണ് ആനന്ദ് ഇതിനോട് പ്രതികരിച്ചത്.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ