ചരിത്രത്തില്‍ പേര് വരുത്താന്‍ അവരെന്തും ചെയ്യും; രണ്ടാമത്തെ വിജയത്തിന് ശേഷമുള്ള പ്രധാനമന്ത്രിയുടെ പെരുമാറ്റം അക്കാര്യം പ്രതിഫലിപ്പിക്കുന്നതാണ്; കേന്ദ്രസര്‍ക്കാരിനെ വിമര്‍ശിച്ച് സച്ചിന്‍ പൈലറ്റ്
ഡൂള്‍ന്യൂസ് ഡെസ്‌ക്
Monday, 4th January 2021, 8:06 am
ജയ്പൂര്‍: കേന്ദ്രസര്‍ക്കാരിന്റെ കര്‍ഷക വിരുദ്ധ നയങ്ങളെ വിമര്‍ശിച്ച് കോണ്‍ഗ്രസ് നേതാവ് സച്ചിന്‍ പൈലറ്റ്. രാജ്യത്തെ കര്‍ഷകര്‍ അവരുടെ ഭാവിയെക്കുറിച്ചോര്‍ത്ത് ഭയത്തിലാണെന്ന് സച്ചിന്‍ പൈലറ്റ് പറഞ്ഞു. ചില തീരുമാനങ്ങള്‍ പിന്‍വലിക്കാന്‍ സര്‍ക്കാര്‍ നാണക്കേട് വിചാരിക്കേണ്ട കാര്യമില്ലെന്നും അതൊരു പരാജയമായി കാണേണ്ടതില്ലെന്നും പൈലറ്റ് കൂട്ടിച്ചേര്‍ത്തു.
“രണ്ടാമത്തെ (ലോക്‌സഭാ) തെരഞ്ഞെടുപ്പില്‍ വിജയിച്ച ശേഷം, കേന്ദ്ര സര്‍ക്കാരും പ്രധാനമന്ത്രിയും സ്വീകരിച്ച പെരുമാറ്റം പ്രതിഫലിപ്പിക്കുന്നത് അവരുടെ പേരുകള്‍ ചരിത്രത്തില്‍ രേഖപ്പെടുത്തുന്നതിന് വേണ്ടി അവര്‍ എന്തും ചെയ്യുമെന്നാണ്. ഇന്ന്, ഈ രാജ്യത്തെ കര്‍ഷകര്‍ പ്രതിഷേധിക്കുക മാത്രമല്ല, അവരുടെ ഭാവിയെക്കുറിച്ച് ചിന്തിക്കുകയും ഭയപ്പെടുകയും ചെയ്യുന്നു, ”പൈലറ്റ് പറഞ്ഞു.
