ശബരിമലയില്‍ വെര്‍ച്വല്‍ ക്യൂ ഏര്‍പ്പാടാക്കാന്‍ അധികാരം ദേവസ്വം ബോര്‍ഡിന്: സര്‍ക്കാരിനോട് ഹൈക്കോടതി
ഡൂള്‍ന്യൂസ് ഡെസ്‌ക്
Thursday, 21st October 2021, 7:06 pm
കൊച്ചി: ശബരിമല വെര്‍ച്വല്‍ ക്യൂവില്‍ സര്‍ക്കാരിനെതിരെ ഹൈക്കോടതി. വെര്‍ച്വല്‍ ക്യൂ ഏര്‍പ്പെടുത്താന്‍ സര്‍ക്കാരിനും പൊലീസിനും എന്താണ് അധികാരമെന്ന് കോടതി ചോദിച്ചു.
ശബരിമലയില്‍ നിയന്ത്രണം കൊണ്ടുവരാന്‍ ദേവസ്വം ബോര്‍ഡിനാണ് അധികാരമെന്നും ഹൈക്കോടതി പറഞ്ഞു. വെര്‍ച്വല്‍ ക്യൂ ഏര്‍പ്പെടുത്താന്‍ ദേവസ്വം ബെഞ്ചിന്റെ അനുമതിയുണ്ടായിരുന്നോയെന്നും കോടതി ചോദിച്ചു,
അതേസമയം സദുദ്ദേശ്യത്തോടെയാണ് വെര്‍ച്വല്‍ ക്യൂ ഏര്‍പ്പെടുത്തിയതെന്ന് സര്‍ക്കാര്‍ കോടതിയെ അറിയിച്ചു. തീര്‍ത്ഥാടകര്‍ക്ക് സുഗമമായ ദര്‍ശനം ഒരുക്കുന്നതിനായാണ് വെര്‍ച്വല്‍ ക്യൂ ഏര്‍പ്പാടാക്കിയത്.
ശബരിമലയില്‍ 2011 മുതല്‍ വെര്‍ച്വല്‍ ക്യൂ നിലവിലുണ്ടെന്നും സര്‍ക്കാര്‍ പറഞ്ഞു.
