കീര്‍ത്തി സുരേഷും സെല്‍വരാഘവനും ഒന്നിക്കുന്ന സാനി കായിദം ടീസര്‍

സംവിധായകന്‍ സെല്‍വരാഘവനും കീര്‍ത്തി സുരേഷും പ്രധാനകഥാപാത്രങ്ങളാകുന്ന സാനി കായിദം എന്ന ചിത്രത്തിന്റെ ടീസര്‍ പുറത്ത്. കീര്‍ത്തി വ്യത്യസ്ത ഗെറ്റപ്പിലെത്തുന്ന ചിത്രം പ്രതികാരത്തിന്റെ കഥയാണ് പറയുന്നത്.

ബ്ലാക്ക് ആന്‍ഡ് വൈറ്റ് ടോണിലൂടെയും ഇടക്ക് ചിത്രത്തിന്റെ ട്രെയ്‌ലര്‍ കടന്നുപോകുന്നുണ്ട്. എണ്‍പതുകളില്‍ നടന്ന യഥാര്‍ത്ഥ സംഭവങ്ങളെ അടിസ്ഥാനമാക്കിയാണ് സാനി കായിദം ചിത്രീകരിച്ചിരിക്കുന്നതെന്നാണ് പുറത്ത് വരുന്ന വിവരങ്ങള്‍.

അരുണ്‍ മാതേശ്വരനാണ് ചിത്രത്തിന്റെ സംവിധാനം. സെല്‍വരാഘവനും കീര്‍ത്തി സുരേഷും ഒന്നിക്കുമ്പോള്‍ എന്താവും സ്‌ക്രീനില്‍ സംഭവിക്കുക എന്ന് ആകാംഷയും പ്രേക്ഷകര്‍ക്കുണ്ട്.

സാനി കായിദത്തിന്റെ ഷൂട്ടിംഗ് പൂര്‍ത്തിയാക്കിയതിന് ശേഷം ടീമിന് നന്ദി പറഞ്ഞുകൊണ്ട് മനോഹരമായ യാത്ര എന്നാണ് സെല്‍വരാഘവന്‍ ട്വീറ്റ് ചെയ്തത്.

സെല്‍വരാഘനൊപ്പം സ്‌ക്രീന്‍ സ്‌പേസ് ഷെയര്‍ ചെയ്യാന്‍ സാധിച്ചത് ആവേശം കൊള്ളിക്കുന്നു എന്നാണ് കീര്‍ത്തി സുരേഷ് ട്വീറ്റ് ചെയ്തത്.

സെവന്‍ സ്‌ക്രീന്‍ സ്റ്റുഡിയോസ് നിര്‍മിക്കുന്ന ചിത്രം ആമസോണ്‍ പ്രൈമിലാണ് റിലീസ് ചെയ്യുന്നത്. വസന്ത് രവി നായകനായ റോക്കി ആയിരുന്നു അരുണ്‍ മാതേശ്വരന്റെ ആദ്യ സിനിമ.

യാമിനി യജ്ഞമൂര്‍ത്തിയാണ് സാനി കായിദത്തിന്റെ ക്യാമറ ചലിപ്പിച്ചത്. എഡിറ്റര്‍ നഗൂരാന്‍, കലാസംവിധായകന്‍ രാമു തങ്കരാജ്.

Content Highlight: saani kayidham movie teaser starring keerthy suresh and selva raghavan