പൊളിറ്റ് ബ്യൂറോയില്‍ നിന്ന് തെരഞ്ഞെടുപ്പില്‍ മത്സരിക്കുക പിണറായി മാത്രം: എസ്. രാമചന്ദ്രന്‍ പിള്ള
ഡൂള്‍ന്യൂസ് ഡെസ്‌ക്
Monday, 8th February 2021, 8:21 pm
തിരുവനന്തപുരം: പൊളിറ്റ് ബ്യൂറോയില്‍ നിന്ന് പിണറായി വിജയന്‍ മാത്രമായിരിക്കും ഇത്തവണ നിയമസഭാ തെരഞ്ഞെടുപ്പില്‍ മത്സരിക്കുകയെന്ന് സിപിഐഎം കേന്ദ്ര കമ്മിറ്റിയംഗം എസ്. രാമചന്ദ്രന്‍ പിള്ള. വേറെയാരും പൊളിറ്റ് ബ്യൂറോയില്‍ നിന്ന് മത്സരിക്കില്ലെന്നും അദ്ദേഹം വ്യക്തമാക്കി. ഏഷ്യാനെറ്റ് ന്യൂസിനോടായിരുന്നു അദ്ദേഹത്തിന്റെ പ്രതികരണം.
പാര്‍ട്ടി പ്രവര്‍ത്തനങ്ങളില്‍ നിന്ന് മാറി നില്‍ക്കുന്ന കോടിയേരി ബാലകൃഷ്ണന്‍ ചികിത്സയ്ക്ക് ശേഷം പ്രവര്‍ത്തനങ്ങളില്‍ മടങ്ങിയെത്തുമെന്നും അദ്ദേഹം വ്യക്തമാക്കി.
തെരഞ്ഞെടുപ്പ് അടുത്തിരിക്കെ സ്ഥാനാര്‍ത്ഥിത്വവുമായി ബന്ധപ്പെട്ട് നിരവധി ചര്‍ച്ചകള്‍ നടന്നുകൊണ്ടിരിക്കുന്നതിനിടയിലാണ് രാമചന്ദ്രന്‍ പിള്ളയുടെ പ്രതികരണം.
