കര്‍ണാടകയില്‍ ആര്‍.എസ്.എസ്. സമ്മര്‍ദ്ദം?; മുഖ്യമന്ത്രി സ്ഥാനത്തേക്ക് ഒരു പേര് കൂടി
ഡൂള്‍ന്യൂസ് ഡെസ്‌ക്
Tuesday, 27th July 2021, 7:03 pm
ബെംഗളൂരു: കര്‍ണാടകയില്‍ മുഖ്യമന്ത്രി സ്ഥാനത്തേക്ക് പുതിയ ഒരു പേര് കൂടി. ഫിഷറീസ് വകുപ്പ് മന്ത്രിയായ എസ്. അംഗാരയെ മുഖ്യമന്ത്രി സ്ഥാനത്തേക്ക് പരിഗണിക്കുന്നതായി പാര്‍ട്ടി വൃത്തങ്ങളെ ഉദ്ധരിച്ച് ഇന്ത്യന്‍ എക്‌സ്പ്രസ് റിപ്പോര്‍ട്ട് ചെയ്യുന്നു.
ആര്‍.എസ്.എസിന്റെ ശക്തമായ പിന്തുണ അംഗാരയ്ക്കുണ്ടെന്നാണ് റിപ്പോര്‍ട്ട്. ആര്‍.എസ്.എസിന് ശക്തമായ സ്വാധീനമുള്ള സുള്ളിയ മണ്ഡലത്തില്‍ നിന്നാണ് അംഗാര തുടര്‍ച്ചയായി വിജയിക്കുന്നത്.
ആറ് തവണയായി എം.എല്‍.എയായ അംഗാര കഴിഞ്ഞ തവണയാണ് ആദ്യമായി മന്ത്രിപദത്തിലെത്തുന്നത്. മുഖ്യമന്ത്രിയാകുകയാണെങ്കില്‍ സംസ്ഥാനത്തിന്റെ ആദ്യ ദളിത് മുഖ്യമന്ത്രിയാകും അംഗാര.
ആഴ്ചകള്‍ നീണ്ട അനിശ്ചിതത്വത്തിനൊടുവിലാണ് കര്‍ണാടക മുഖ്യമന്ത്രി സ്ഥാനത്ത് നിന്ന് യെദിയൂരപ്പ രാജിവെച്ചത്.
