ലണ്ടന്‍: ഇന്ത്യയിലെ ചില മാധ്യമങ്ങള്‍ നല്‍കിയ തെറ്റായ ഒരു വാര്‍ത്ത വസ്തുത പരിശോധിക്കാതെ വായനക്കാരിലെത്തിച്ചതിന് ഖേദം പ്രകടിപ്പിച്ച് ദി ഇന്റര്‍നാഷണല്‍ മാഗസിന്‍.
വാര്‍ത്ത തയാറാക്കുന്നതില്‍ ഇന്ത്യന്‍ മാധ്യമത്തെ ആശ്രയിച്ചതില്‍ തെറ്റുപറ്റിയെന്നും ഇന്ത്യന്‍ വാര്‍ത്താ ഏജന്‍സികളുമായി ഇനി ഒരു ബന്ധവുമുണ്ടാകില്ലെന്നും ‘ദി ഇന്റര്‍നാഷണല്‍’ മാഗസിന്‍ അറിയിച്ചു.
തങ്ങളുടെ ഔദ്യോഗിക ട്വിറ്റര്‍ പേജിലൂടെയാണ് ഇന്ത്യന്‍ മാധ്യമത്തെ ആശ്രയിച്ചതിന്റെ പേരില്‍ തങ്ങള്‍ക്ക് സംഭവിച്ച പിഴവിനെ കുറിച്ച് മാഗസിന്‍ തുറന്നുപറഞ്ഞത്.
തിങ്കളാഴ്ച റഷ്യയിലെ പേം സ്റ്റേറ്റ് യൂണിവേഴ്സിറ്റിയില്‍ ഒന്നാം വര്‍ഷ വിദ്യാര്‍ത്ഥി ആറു സഹപാഠികളെ വെടിവെച്ചു കൊന്ന സംഭവവുമായി ബന്ധപ്പെട്ട വാര്‍ത്ത റിപ്പോര്‍ട്ട് ചെയ്തതില്‍ വന്ന പിഴവിനാണ് ദി ഇന്റര്‍നാഷണല്‍ ക്ഷമചോദിച്ചിരിക്കുന്നതെന്നാണ് സൂചന.
Hello Readers,
The International Magazine Wholeheartedly feels sorry for the confusion regarding the post of Islamist Attack in Russia. The confusion was created because we took some sources from Indian media
This is our first and last case of working with Indian Media Agency.
— The International Magazine (@TheIntlMagz) September 21, 2021
എന്നാല്‍ ഇന്ത്യയിലെ ഏത് വാര്‍ത്താ ഏജന്‍സിയെ ആശ്രയിച്ചാണ് പ്രസ്തുത വാര്‍ത്ത നല്‍കിയതെന്ന് ഇന്റര്‍നാഷണല്‍ മാഗസിന്‍ വ്യക്തമാക്കിയിട്ടില്ല.
‘പ്രിയ വായനക്കാരേ,
റഷ്യയിലെ ഇസ്‌ലാമിസ്റ്റ് ആക്രമണം സംബന്ധിച്ചുള്ള പോസ്റ്റില്‍ വന്ന ആശയക്കുഴപ്പത്തില്‍ ഇന്റര്‍നാഷണല്‍ മാഗസിന്‍ ക്ഷമ ചോദിക്കുകയാണ്. ഇന്ത്യന്‍ മീഡിയയിലെ ചിലരെ ഞങ്ങള്‍ ആശ്രയിച്ചതാണ് ഈ ആശയക്കുഴപ്പത്തിന് കാരണം. ഇന്ത്യന്‍ വാര്‍ത്താ ഏജന്‍സിയുമായുള്ള ഞങ്ങളുടെ ആദ്യത്തെയും അവസാനത്തെയും സഹകരണമാണിത്,’ എന്നാണ് ദി ഇന്റര്‍നാഷണല്‍ മാഗസിന്‍ ട്വീറ്റ് ചെയ്തിരിക്കുന്നത്.
