റഷ്യ കസേര വലിച്ചു; യു.എസ് ഇന്ത്യയെ ഇരുത്തി; വഴിമുടക്കാന്‍ പാകിസ്താനും ചൈനയും
ഡൂള്‍ന്യൂസ് ഡെസ്‌ക്
Tuesday, 9th March 2021, 7:49 am
കാബൂള്‍; അഫ്ഗാനിസ്ഥാനില്‍ സമാധാനം പുനഃസ്ഥാപിക്കുന്നതുമായി ബന്ധപ്പെട്ട ചര്‍ച്ചയില്‍ ഇന്ത്യയെ ഒഴിവാക്കാന്‍ ശ്രമം. അമേരിക്കയുടെ നേതൃത്വത്തിലാണ് അഫ്ഗാനില്‍ വീണ്ടും ചര്‍ച്ച നടക്കുന്നത്. സമ്മേളനത്തില്‍ നിന്ന് ഇന്ത്യയെ ഒഴിവാക്കണമെന്ന് റഷ്യ നിര്‍ദേശിക്കുകയായിരുന്നു.
ന്യൂദല്‍ഹിയില്‍ നിന്നുള്ള പ്രതിനിധികളെ ഒഴിവാക്കികൊണ്ടുള്ള പദ്ധതിയായിരുന്നു സമാധാനശ്രമങ്ങള്‍ക്ക് റഷ്യ മുന്നോട്ടുവെച്ചത്. എന്നാല്‍ ഇന്ത്യന്‍ പ്രതിനിധികളെകൂടി ചര്‍ച്ചയില്‍ ഉള്‍പ്പെടുത്തണമെന്ന് അമേരിക്ക നിര്‍ദേശിക്കുകയായിരുന്നു എന്നാണ് റിപ്പോര്‍ട്ടുകള്‍.
ചര്‍ച്ചയില്‍ റഷ്യ, യു.എസ്, പാകിസ്താന്‍, ചൈന എന്നിവര്‍ പങ്കെടുത്താല്‍ മതിയെന്നായിരുന്നു റഷ്യന്‍ പ്രതിനിധി അറിയിച്ചത്. പാക് താത്പര്യം മുന്‍നിര്‍ത്തിയാണ് റഷ്യ ഇത്തരമൊരു നിലപാട് സ്വീകരിച്ചതെന്നും റിപ്പോര്‍ട്ടുകളുണ്ട്.
