രാമക്ഷേത്രത്തിനായി മൂന്ന് വര്‍ഷത്തിനിടെ ചെലവഴിച്ചത് 900 കോടി; അക്കൗണ്ടില്‍ ബാക്കി 3000 കോടിയെന്ന് ട്രസ്റ്റ്
ഡൂള്‍ന്യൂസ് ഡെസ്‌ക്
Sunday, 8th October 2023, 12:13 pm
അയോധ്യ: ഫെബ്രുവരി അഞ്ച് 2020 മുതല്‍ ഈ വര്‍ഷം മാര്‍ച്ച് 31 വരെ അയോധ്യയിലെ രാമക്ഷേത്രത്തിനായി ചെലവഴിച്ചത് 900 കോടി രൂപയെന്ന് രാമ ജന്മഭൂമി തീര്‍ത്ഥ ട്രസ്റ്റ്. നിലവില്‍ 3,000 കോടി രൂപ ബാങ്ക് അക്കൗണ്ടിലുണ്ടെന്നും ട്രസ്റ്റ് അധികൃതര്‍ പറഞ്ഞു.
ശനിയാഴ്ച രാവിലെ ട്രസ്റ്റ് ഉദ്യോഗസ്ഥര്‍ ചേര്‍ന്ന മൂന്ന് മണിക്കൂര്‍ നീണ്ട യോഗത്തില്‍ വിദേശ കറന്‍സിയില്‍ സംഭാവന സ്വീകരിക്കുന്നതിനുള്ള നിയമ നടപടി ഉള്‍പ്പെടെ 18 കാര്യങ്ങള്‍ ചര്‍ച്ച ചെയ്തതായി ട്രസ്റ്റ് സെക്രട്ടറി ചമ്പത് റായ് പറഞ്ഞു. വിദേശത്ത് നിന്നുള്ള സംഭാവനക്കായി ഫോറിന്‍ കോണ്‍ട്രിബ്യൂഷന്‍ (റെഗുലേഷന്‍) ആക്ട് പ്രകാരം ട്രസ്റ്റ് അനുമതിക്കായി അപേക്ഷിച്ചിട്ടുണ്ടെന്നും അദ്ദേഹം അറിയിച്ചു.
