പൊന്നാനി സി.പി.ഐ.എമ്മില്‍ പൊട്ടിത്തെറി രൂക്ഷം; കൂട്ടരാജി പ്രഖ്യാപിച്ച് ബ്രാഞ്ച് സെക്രട്ടറിമാര്‍
ഡൂള്‍ന്യൂസ് ഡെസ്‌ക്
Tuesday, 9th March 2021, 11:19 am
മലപ്പുറം: സ്ഥാനാര്‍ത്ഥി നിര്‍ണ്ണയത്തിന് പിന്നാലെ പൊന്നാനിയില്‍ സി.പി.ഐ.എമ്മിലുണ്ടായ പൊട്ടിത്തെറി തുടരുന്നു. ടി.എം സിദ്ദീഖിനെ സി.പി.ഐ.എം സ്ഥാനാര്‍ത്ഥിയാക്കണമെന്നാവശ്യപ്പെട്ട് പാര്‍ട്ടി പ്രവര്‍ത്തകര്‍ പ്രതിഷേധം നടത്തിയതിന് പിന്നാലെ ഇന്ന് മൂന്ന് ബ്രാഞ്ച് സെക്രട്ടറിമാര്‍ രാജിവെച്ചതായാണ് റിപ്പോര്‍ട്ട്.
സി.പി.ഐ.എം ബ്രാഞ്ച് സെക്രട്ടറിമാരായ ടി.കെ മഷൂദ്, നവാസ് നാക്കോല, ജമാല്‍ എന്നിവരാണ് രാജിവെച്ചത്. പ്രശ്‌നപരിഹാരത്തിനായി സി.പി.ഐ.എം ജില്ലാസെക്രട്ടറി, മുതിര്‍ന്ന നേതാവ് പാലോളി മുഹമ്മദ് കുട്ടി എന്നിവരുടെ നേതൃത്വത്തില്‍ ഉച്ചയ്ക്ക് രണ്ട് മണിയ്ക്ക് പ്രാദേശിക നേതാക്കളുമായി ചര്‍ച്ച നടത്തും.
