മെസിയെ മാറ്റി നിര്‍ത്തിയാല്‍ അവര്‍ക്കെന്തുണ്ട്? അര്‍ജന്റീനയല്ല, ജര്‍മനിയാണ് മികച്ചത്: ജര്‍മന്‍ ഫുട്‌ബോള്‍ ഫെഡറേഷന്‍ മേധാവി
സ്പോര്‍ട്സ് ഡെസ്‌ക്
Monday, 6th February 2023, 4:53 pm
ഖത്തര്‍ ലോകകപ്പില്‍ ചാമ്പ്യന്മാരായ അര്‍ജന്റീനയെ കുറിച്ച് രൂക്ഷ പരാമര്‍ശവുമായി ജര്‍മന്‍ ഫുട്‌ബോള്‍ ഫെഡറേഷന്‍ മേധാവി റൂഡി വോളര്‍. ജര്‍മന്‍ ദേശീയ ടീമാണ് അര്‍ജന്റീനയെക്കാള്‍ മികച്ചതെന്നും ലയണല്‍ മെസി മാത്രമാണ് അര്‍ജന്റീനയില്‍ മികച്ച താരമായിട്ടുള്ളതെന്നും വോളര്‍ പറഞ്ഞു. കെ.എസ്.ടി.എക്ക് നല്‍കിയ അഭിമുഖത്തിലാണ് അദ്ദേഹം ഇക്കാര്യങ്ങള്‍ സംസാരിച്ചത്.
‘മെസിയെ മാറ്റി നിര്‍ത്തിയാല്‍ അര്‍ജന്റീനയില്‍ മറ്റാരുണ്ട്? മെസി തീര്‍ച്ചയായും പ്രഗത്ഭനായ കളിക്കാരനാണ്. അതൊഴിച്ചാല്‍ ആര്‍ക്കും പറയാനാകില്ല, അര്‍ജന്റീന ഞങ്ങളെക്കാള്‍ മികച്ചതാണെന്ന്. ലോകകപ്പില്‍ അവര്‍ അവിശ്വസനീയ പ്രകടനം നടത്തി. മികച്ച രീതിയില്‍ പ്രതിരോധിച്ചു. അതാണ് അര്‍ജന്റീനയെ ലോകചാമ്പ്യന്മാരാക്കിയത്,’ അദ്ദേഹം പറഞ്ഞു.
