കണ്ണൂര്‍: തലശ്ശരിയില്‍ സി.പി.ഐ.എം പ്രവര്‍ത്തകന് തലക്കടിയേറ്റു. എരഞ്ഞോളി സ്വദേശി സുമിത്തിനാണ് അടിയേറ്റത്. ആര്‍.എസ്.എസ് പ്രവര്‍ത്തകരാണ് പിന്നിലെന്നാണ് ആരോപണം. എരഞ്ഞോളിപ്പാലത്തിനു സമീപമാണ് അക്രമം നടന്നത്.

വാഹനത്തിന്റെ അമിത വേഗത ചോദ്യം ചെയ്ത സുമിത്തിനെ രണ്ടംഗ സംഘം അക്രമിക്കുകയായിരുന്നു. തലക്ക് ഇരുമ്പുവടികൊണ്ട് അടിയേറ്റ് വീണ സുമിത്തിനെ തലശേരി സഹകരണാശുപത്രിയില്‍ പ്രവേശിപ്പിക്കുകയായിരുന്നു. സുമിത്തിന്റെ നില ഇപ്പോള്‍ തൃപ്തികരമാണെന്ന് സി.പി.ഐ.എം പ്രവര്‍ത്തകന്‍ ഡൂള്‍ന്യൂസിനോട് പറഞ്ഞു.

വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ

സമീപത്തെ കാഷ്യുനട്ട് സ്ഥാപനത്തിലെ ജോലിക്കാരനാണ് സുമിത്ത്. സംഭവത്തില്‍ പോലീസ് അന്വേഷണം ആരംഭിച്ചു.