പാലക്കാട്: ആര്‍.എസ്.എസ് ബന്ധം ഉപേക്ഷിച്ച് ഡി.വൈ.എഫ്.ഐയില്‍ ചേര്‍ന്നതിന്റെ പേരില്‍ കുടുംബത്തിന് നേരെ ആര്‍.എസ്.എസ് ആക്രമണം. ശാഖ പ്രവര്‍ത്തനം ഉപേക്ഷിച്ചു ഡിവൈഎഫ്ഐയില്‍ ചേര്‍ന്നതിന്റെ പേരില്‍ ഒരു കുടംബത്തിലെ അഞ്ചു പേര്‍ക്കെതിരെയാണ് ആര്‍.എസ്.എസ് ആക്രമണം നടത്തിയത്.
Also read ‘ഒടുവില്‍ ആ വിളിയെത്തി’; മുഖ്യമന്ത്രി മഹിജയുമായി ഫോണില്‍ സംസാരിച്ചു
മര്‍ദ്ദനത്തില്‍ ആറു വയസുകാരിയ്ക്കും പരുക്കേറ്റിട്ടുണ്ട്. കളത്തിതറ ബിജുകുമാര്‍, ഭാര്യ ബിന്ദു, മക്കളായ ആകാശ്, അജിത്ത്, അര്‍ച്ചന എന്നിവര്‍ക്കാണ് മര്‍ദ്ദനമേറ്റത്. പരുക്കേറ്റ ഇവരെ പാമ്പാടി താലൂക്ക് ആശുപത്രിയില്‍ പ്രവേശിപ്പിച്ചിരിക്കുകയാണ്.
ആര്‍.എസ്.എസ് പ്രവര്‍ത്തകരായിരുന്ന ആകാശും അജിത്തും ശാഖാ പ്രവര്‍ത്തനം ഉപേക്ഷിച്ച് ഡി.വൈ.എഫ്.ഐയില്‍ ചേര്‍ന്ന് പ്രവര്‍ത്തിക്കാന്‍ തുടങ്ങിയതാണ് മര്‍ദ്ദനത്തിന് കാരണമെന്നാണ് റിപ്പോര്‍ട്ടുകള്‍.
ഡി.വൈ.എഫ്.ഐയില്‍ ചേര്‍ന്ന് പ്രവര്‍ത്തിക്കാന്‍ തുടങ്ങിയതില്‍ പ്രകോപിതരായ ആര്‍.എസ്.എസ് സംഘം മാതാപിതാക്കളെയും സഹോദരിയെയും ഇടമുള അമ്പലത്തില്‍ വച്ചാണ് മര്‍ദ്ദിച്ചത്.