'വേള്‍ഡ് ക്ലാസ് സിനിമ'; സാമ്രാട്ട് പൃഥ്വിരാജിനെ പുകഴ്ത്തി മോഹന്‍ ഭാഗവത്
എന്റര്‍ടെയിന്‍മെന്റ് ഡെസ്‌ക്
Sunday, 5th June 2022, 4:05 pm
അക്ഷയ് കുമാര്‍ ചിത്രം സാമ്രാട്ട് പൃഥ്വിരാജിനെ പുകഴ്ത്തി ആര്‍.എസ്.എസ്. നേതാവ് മോഹന്‍ ഭാഗവത്. ഇതാദ്യമായാണ് ഇന്ത്യന്‍ കാഴ്ചപ്പാടില്‍ നിന്നും ഇന്ത്യന്‍ ഭാഷയില്‍ ഒരു ഇന്ത്യക്കാരന്‍ പൃഥ്വിരാജ് ചൗഹാനും മുഹമ്മദ് ഗോറിയും തമ്മിലുള്ള ഏറ്റുമുട്ടല്‍ ആവിഷ്‌കരിച്ചിരിക്കുന്നതെന്ന് അദ്ദേഹം പറഞ്ഞു.
‘പൃഥ്വിരാജിനെ പറ്റിയും മുഹമ്മദ് ഗോറിയെ പറ്റിയും നമ്മള്‍ വായിച്ചിട്ടുണ്ട്. എന്നാല്‍ അത് മറ്റുള്ളവരായിരുന്നു എഴുതിയിരുന്നത്. ഇതാദ്യമായാണ് ഇന്ത്യന്‍ കാഴ്ചപ്പാടില്‍ നിന്നും പൃഥ്വിരാജ് ചൗഹാനെ കാണുന്നത്. ഇന്ത്യന്‍ കാഴ്ചപ്പാടില്‍ നിന്നും ചരിത്രത്തെ നോക്കി കാണുകയാണ് നാം. ഇന്ത്യയുടെ അഭിമാനം സംരക്ഷിക്കാന്‍, ഈ സിനിമയില്‍ കാണിച്ചിരിക്കുന്ന ശക്തരായ നായകന്മാരെപ്പോലെ ഇന്ത്യക്കാര്‍ ഒരുമിച്ച് പോരാടേണ്ടതുണ്ട്,’ മോഹന്‍ ഭാഗവത് പറഞ്ഞു.
