നിരവധി 'യഥാര്‍ത്ഥ ഇന്ത്യക്കാര്‍' പുറത്തായി; പൗരത്വ പട്ടികയില്‍ ആര്‍.എസ്.എസിനും ആശങ്ക
ഡൂള്‍ന്യൂസ് ഡെസ്‌ക്
Monday, 9th September 2019, 12:38 pm
പുഷ്‌കര്‍: അസമിലെ എന്‍.ആര്‍.സി അന്തിമ പട്ടിക പുറത്തിറക്കിയപ്പോള്‍ പ്രതീക്ഷിച്ച ഫലം കിട്ടാത്തതില്‍ ആശങ്ക പ്രകടിപ്പിച്ച് ആര്‍.എസ്.എസ്. ബി.ജെ.പി വര്‍ക്കിങ് പ്രസിഡന്റ് ജെ.പി നദ്ദ, ദേശീയ ജനറല്‍ സെക്രട്ടറി രാം മാധവ് തുടങ്ങിയവരുടെ നേതൃത്വത്തില്‍ ആര്‍.എസ്.എസ് പ്രതിനിധി സംഘത്തിന് നല്‍കിയ വിശദീകരണ യോഗത്തിലാണ് സംഘടന ആശങ്ക പ്രകടിപ്പിച്ചത്.
അസമിലേക്ക് അയല്‍സംസ്ഥാനങ്ങളില്‍ നിന്ന് കുടിയേറിപ്പാര്‍ത്തവരടക്കം ‘യഥാര്‍ത്ഥ പൗരന്‍മാര്‍’ പലരും പട്ടികയില്‍ നിന്ന് ഒഴിവാക്കപ്പെട്ടുവെന്നും ഇവരില്‍ ഭൂരിപക്ഷവും ഹിന്ദുക്കളാണെന്നുമാണ് സംഘടനയെ ആശങ്കപ്പെടുത്തുന്നത്.
