വൈവിധ്യം നല്ല രാജ്യങ്ങളുടെ അടയാളം; ഒരു വ്യക്തി, ഒരു പ്രത്യയശാസ്ത്രം തുടങ്ങിയ ആശയങ്ങള്‍ക്ക് പ്രസക്തിയില്ല: മോഹന്‍ ഭാഗവത്
ഡൂള്‍ന്യൂസ് ഡെസ്‌ക്
Wednesday, 15th February 2023, 1:40 pm
നാഗ്പുര്‍: ഒരു വ്യക്തി, ഒരു ചിന്ത, ഒരു ഗ്രൂപ്പ്, ഒരു പ്രത്യയശാസ്ത്രം എന്നിവക്ക് ഒരു രാജ്യത്തെ തകര്‍ക്കാനോ നിര്‍മിക്കാനോ കഴിയില്ലെന്ന് ആര്‍.എസ്.എസ് തലവന്‍ മോഹന്‍ ഭാഗവത്. നാഗ്പൂരില്‍ രാജ് രത്‌ന പുരസ്‌കാര്‍ സമിതിയുടെ പുരസ്‌കാര വിതരണ സമ്മേളനത്തിലാണ് അദ്ദേഹത്തിന്റെ പ്രതികരണം.
മികച്ച രാജ്യങ്ങള്‍ക്ക് നിരവധി ആശയധാരകളുണ്ടാകുമെന്നും വൈവധ്യത്തിലൂടെയാണ് അത്തരം രാജ്യങ്ങള്‍ മുന്നേറുന്നതെന്നും അദ്ദേഹം പറഞ്ഞു. ബഹുതല സംവിധാനങ്ങളുടെ ബലത്തിലേ രാജ്യങ്ങള്‍ക്ക് വളരാനാകുകയുള്ളുവെന്നും ഭാഗവത് കൂട്ടിച്ചേര്‍ത്തു.
‘ലോകത്തിലെ മികച്ച രാജ്യങ്ങളില്‍ പലതരം ആശയധാരകളുണ്ട്. അവക്ക് പലതരം സംവിധാനങ്ങളുമുണ്ട്. ഈ വ്യവസ്ഥിതിക്കൊപ്പമാണ് അവ വളര്‍ന്നുകെണ്ടിരിക്കുന്നത്,’ മോഹന്‍ ഭാഗവത് പറഞ്ഞു.
