പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച ആര്‍.എസ്.എസുകാരന്‍ അറസ്റ്റില്‍
ഡൂള്‍ന്യൂസ് ഡെസ്‌ക്
Wednesday, 9th September 2020, 9:13 am
കോഴിക്കോട്: പ്രായുപൂര്‍ത്തിയാകാത്ത പെണ്‍കുട്ടിയെ വര്‍ഷങ്ങളോളം ലൈംഗികമായി പീഡിപ്പിച്ച കേസില്‍ ആര്‍.എസ്.എസ് പ്രവര്‍ത്തകന്‍ അറസ്റ്റില്‍. ചെറുവണ്ണൂര്‍ തളിക്കാട്ട് പറമ്പ് ബിജുവിനെയാണ് ഫറോക്ക് നല്ലളം പൊലീസ് പിടികൂടിയത്.
പതിനേഴുകാരിയെ കഴിഞ്ഞ നാല് വര്‍ഷത്തോളമായി തുടര്‍ച്ചയായി ലൈംഗികമായി പീഡിപ്പിച്ചുവരികയായിരുന്നെന്ന് രക്ഷിതാക്കള്‍ പൊലീസിന് നല്‍കിയ പരാതിയില്‍ പറയുന്നു. ചെറുവണ്ണൂര്‍ മേഖലയിലെ ബി.ജെ.പിയുടെ സജീവ പ്രവര്‍ത്തകനായ ബിജു കോര്‍പ്പറേഷന്‍ 45-ാം ഡിവിഷനിലെ ബൂത്ത് കണ്‍വീനറാണെന്ന് ദേശാഭിമാനി റിപ്പോര്‍ട്ട് ചെയ്യുന്നു.
