[]അബുദാബി: രിസാല സ്റ്റഡി സര്‍ക്കിള്‍ അബുദാബി സോണ്‍ സാഹിത്യോത്സവ് 2013 നവംബര്‍ 15ന് അബുദാബി ഇന്ത്യന്‍ ഇസ്ലാമിക് സെന്ററില്‍ നടക്കും.
കഴിഞ്ഞ 5 വര്‍ഷങ്ങളിലായി ഗള്‍ഫ് നാടുകളില്‍ വളരെ ശ്രദ്ധേയമായി നടന്നു വരുന്ന സാഹിത്യോത്സവിനെ കൂടുതല്‍ ശ്രദ്ധേയവും തനിമയുമാര്‍ന്ന മലയാളി കലാസാഹിത്യ മേളയും പ്രവാസി ഭൂമികയുടെ സാംസ്‌കാരിക സംഗമങ്ങലുമാക്കി മാറ്റുക എന്ന ലക്ഷ്യത്തോടെ കൂടുതല്‍ പരിഷ്‌കരണങ്ങളും ഒരുക്കങ്ങലുമായാണ് ഇത്തവണ അരങ്ങിലെത്തിക്കുന്നത്.
അബുദാബി എമിരേറ്റിലെ വിവിധ യുണിറ്റ്, സെക്ടര്‍ തലങ്ങളില്‍ മത്സരിച്ച് വിജയിച്ച നാനൂറോളം പ്രതിഭകളാണ് സോണ്‍ സാഹിത്യോത്സവില്‍ മാറ്റുരക്കുന്നത്.
അഞ്ചു മുതല്‍ മുപ്പതു വയസ്സ് വരെയുള്ളവര്‍ക്ക് െ്രെപമറി, ജൂനിയര്‍ സീനിയര്‍, സെക്കന്ററി, ജനറല്‍ എന്നി വിഭാഗങ്ങളിലായി മാപ്പിളപാട്ട് , ഖിറാഅത്, അറബി ഗാനം,കഥ, ക്വിസ്, കവിത, പ്രബന്ധ രചന, പെന്‍സില്‍ ഡ്രോയിംഗ്, ജല ചായം, ഡിജിറ്റല്‍ ഡിസൈനിംഗ് തുടങ്ങി നാല്‍പ്പത്തഞ്ചു ഇനങ്ങളിലാണ് മത്സരം നടക്കുക.
വിജയികള്‍ക്ക് ഡിസംബര്‍ 6 നു റാസല്‍ ഖൈമയില്‍ വെച്ച് നടക്കുന്ന നാഷണല്‍ സാഹിത്യോത്സവില്‍ മാറ്റുരക്കാന്‍ അവസരം ലഭിക്കും. സോണ്‍ സാഹിത്യോല്‍സവിന്റെ ഭാഗമായി കുടുംബിനികള്‍ക്കും വിദ്യാര്‍ഥിനികള്‍ക്കും കഥ, കവിത രചന മത്സരങ്ങള്‍ സംഘടിപ്പിച്ചിട്ടുണ്ട്.
സാഹിത്യോത്സവ് പ്രചാരണാര്‍ഥം ജനകീയ സാംസ്‌കാരിക സംഗമങ്ങലടക്കം വിവിധ പരിപാടികള്‍ക്കും രൂപം നല്‍കിയിട്ടുണ്ട്.
അബുദാബിയില്‍ രജിസ്‌ട്രേഷനും വിവരങ്ങള്‍ക്കും 0557129567 / 0566989039 എന്നീ നമ്പറിലോ rscauh2013@gmail.com എന്ന ഇമെയില്‍ വിലാസത്തിലോ ബന്ധപ്പെടാവുന്നതാണ്.