ധോണി ഔട്ടായ പന്തില്‍ ന്യൂസിലാന്റ് ഫീല്‍ഡര്‍മാര്‍ പവര്‍പ്ലേ നിയമം തെറ്റിച്ചോ ? പിഴവിനെതിരെ ആരാധക രോഷം
സ്പോര്‍ട്സ് ഡെസ്‌ക്
Thursday, 11th July 2019, 9:01 am
ന്യൂസിലാന്റിനെതിരായ സെമി മത്സരത്തില്‍ ധോണി ഔട്ടായ പന്തില്‍ അംപയറിങ്ങില്‍ പിഴവുണ്ടായെന്ന് ചൂണ്ടിക്കാട്ടി ആരാധകര്‍. മൂന്നാമത്തെ പവര്‍ പ്ലേ ആയതിനാല്‍ 30 യാര്‍ഡ് സര്‍ക്കിളിന് പുറത്ത് 5 ഫീല്‍ഡര്‍മാര്‍ മാത്രമേ പാടുള്ളൂവെങ്കിലും 6 ഫീല്‍ഡര്‍മാര്‍ പുറത്ത് നിന്നെന്നാണ് ട്വിറ്ററിലടക്കം ആരാധകര്‍ വീഡിയോ സഹിതം ചൂണ്ടിക്കാണിക്കുന്നത്.
അംപയര്‍ നോബോള്‍ വിളിച്ചാല്‍ പോലും ധോണി റണ്‍ ഔട്ടാവുമെങ്കിലും റിങ്ങിനുള്ളില്‍ ലെഗ്‌സൈഡില്‍ ഒരു എക്‌സ്ട്രാ ഫീല്‍ഡര്‍ ഉണ്ടായിരുന്നെങ്കില്‍ ധോണി ഡബിളിന് ഓടുമായിരുന്നില്ലെന്ന് ആരാധകര്‍ പറയുന്നു.
