ഓവറിലെ ആദ്യ മൂന്ന് പന്തില്‍ നിന്നുമായി പത്ത് റണ്‍സാണ് വോസ്റ്റര്‍ഷെയര്‍ സ്വന്തമാക്കിയത്. നാലാം പന്തില്‍ രണ്ട് റണ്‍സ് കൂടി പിറന്നതോടെ എട്ട് പന്തില്‍ വിജയിക്കാന്‍ നാല് റണ്‍സ് എന്ന നിലയിലേക്ക് കാര്യങ്ങളെത്തി.
ഓവറിലെ അഞ്ചാം പന്തില്‍ ക്രീസില്‍ നിലയുറപ്പിച്ച ടോം ഹിന്‍ലിയെ ഹാരി സിങ്ങിന്റെ കൈകളിലെത്തിച്ച് അയ്യര്‍ പുറത്താക്കി. തൊട്ടടുത്ത പന്തില്‍ വോസ്റ്റര്‍ഷെയറിന്റെ അവസാന ബാറ്ററെ വിക്കറ്റിന് മുമ്പില്‍ കുടുക്കിയതോടെ മൂന്ന് റണ്‍സിന്റെ ത്രില്ലിങ് വിജയം ലങ്കാഷെയര്‍ സ്വന്തമാക്കി.
വോസ്റ്റര്‍ഷെയറിനായി ടോം ഹിന്‍ലി മൂന്ന് വിക്കറ്റ് നേടിയപ്പോള്‍ ടോം ടെയ്‌ലറും ഹാരി ഡാര്‍ലിയും രണ്ട് വിക്കറ്റ് വീതും സ്വന്തമാക്കി. ഈഥന്‍ ബ്രൂക്‌സാണ് ശേഷിക്കുന്ന വിക്കറ്റ് നേടിയത്.
ലങ്കാഷെയറിനായി ചാര്‍ളി ബര്‍ണാര്‍ഡ് മൂന്ന് വിക്കറ്റ് നേടിയപ്പോള്‍ ജോഷ് ബോയ്ഡനും വെങ്കിടേഷ് അയ്യരും രണ്ട് വിക്കറ്റ് വീതം നേടി. വില്‍ വില്യംസ്, ജോര്‍ജ് ബാള്‍ഡര്‍സണ്‍, ഹാരി സിങ് എന്നിവരാണ് ശേഷിക്കുന്ന വിക്കറ്റുകള്‍ നേടിയത്.
