റോയല്‍ എന്‍ഫീല്‍ഡില്‍ നിന്ന് ഇലക്ട്രിക് മോട്ടോര്‍ സൈക്കിള്‍? സൂചന നല്‍കി റോയല്‍ എന്‍ഫീല്‍ഡ് സി.ഇ.ഒ
ഡൂള്‍ന്യൂസ് ഡെസ്‌ക്
Saturday, 30th November 2019, 9:38 pm
ന്യൂദല്‍ഹി: ഇലക്ട്രിക് മോട്ടോര്‍സൈക്കിള്‍ നിര്‍മ്മിക്കുമെന്ന സൂചന നല്‍കി റോയല്‍ എന്‍ഫീല്‍ഡ്. റോയല്‍ എന്‍ഫീല്‍ഡില്‍ നിന്ന് ഏറെ വൈകാതെ തന്നെ ഇലക്ട്രിക് മോട്ടോര്‍ സൈക്കിള്‍ പ്രതീക്ഷിക്കാമെന്ന സൂചന നല്‍കിയിരിക്കുകയാണ് റോയല്‍ എന്‍ഫീല്‍ഡിന്റെ ചീഫ് എക്‌സിക്യൂട്ടീവ് ഓഫീസര്‍ വിനോദ് ദസാരി. ഇക്കണോമിക് ടൈംസിന് നല്‍കിയ അഭിമുഖത്തിലാണ് അദ്ദേഹം ഇക്കാര്യം അറിയിച്ചിരിക്കുന്നത്.
” റോയല്‍ എന്‍ഫീല്‍ഡ് പുതിയ ശ്രേണിയിലേക്കുള്ള ഉല്പന്നങ്ങളുടെ പ്രവര്‍ത്തനത്തിലാണ്. അതില്‍ ഇലക്ട്രിക് മോട്ടോര്‍സൈക്കിള്‍ ഉള്‍പ്പെടാന്‍ സാധ്യതയുണ്ട്.” – റോയല്‍ എന്‍ഫീല്‍ഡ് സി.ഇ.ഒ വിനോദ് ദസാരി ഒരു അഭിമുഖത്തില്‍ അറിയിച്ചു.
