വരാനിരിക്കുന്ന ഐ.പി.എല്‍ താരലേലത്തിന് മുന്നോടിയായി റിലീസ് ചെയ്ത താരങ്ങളുടെ പട്ടിക പുറത്തുവിട്ട് റോയല്‍ ചലഞ്ചേഴ്‌സ് ബെംഗളൂരു. സൂപ്പര്‍ താരങ്ങളായ ജോഷ് ഹെയ്‌സല്‍വുഡിനെയും ഹര്‍ഷല്‍ പട്ടേലിനെയും അടക്കം 11 താരങ്ങളെയാണ് ആര്‍.സി.ബി റിലീസ് ചെയ്തിരിക്കുന്നത്.
ശ്രീലങ്കന്‍ സ്റ്റാര്‍ ഓള്‍റൗണ്ടര്‍ വാനിന്ദു ഹസരങ്കയും റിലീസ് ചെയ്ത താരങ്ങളുടെ പട്ടികയില്‍ ഉള്‍പ്പെടുന്നുണ്ട്. മുന്‍ സീസണുകളില്‍ റോയല്‍ ചലഞ്ചേഴ്‌സിന്റെ വിശ്വസ്തനായ ഹസരങ്കയെ പുതിയ സീസണിന് മുന്നോടിയായി പ്ലേ ബോള്‍ഡ് ആര്‍മി വിട്ടുകളയുകയായിരുന്നു.
Presenting RCB’s #ClassOf2024 – RETAINED PLAYERS LIST
Faf du Plessis
Virat Kohli
Glenn Maxwell
Mohammed Siraj
Dinesh Karthik
Rajat Patidar
Reece Topley
Will Jacks
Suyash Prabhudessai
Anuj Rawat
Mahipal Lomror
Manoj Bhandage
Karn Sharma
Mayank Dagar
Vyshak Vijaykumar… pic.twitter.com/kO5F3g9IPK
The memories you have given us will be cherished forever! The RCB Management and our 12th Man Army will continue to cheer you on, no matter where you go. Once an RCBian, always an RCBian! ❤️
ടി-20യില്‍ സഞ്ജുവിനെ ബണ്ണിയായി കൊണ്ടുനടന്നിരുന്ന ഹസരങ്കയെ ഒഴിവാക്കിയത് ആരാധകരില്‍ ചെറിയ തോതിലെങ്കിലും ഞെട്ടലുണ്ടാക്കിയിരുന്നു. ലങ്കന്‍ പ്രീമിയര്‍ ലീഗിന് പിന്നാലെ പരിക്കേറ്റ ഹസരങ്കക്ക് ലോകകപ്പും നഷ്ടമായിരുന്നു.
കഴിഞ്ഞ സീസണില്‍ 11 കോടി രൂപക്കാണ് ആര്‍.സി.ബി താരത്തെ നിലനിര്‍ത്തിയത്. എന്നാല്‍ ആ പേരിനും പെരുമക്കും ഒത്ത പ്രകടനം പുറത്തെടുക്കാന്‍ താരത്തിന് സാധിച്ചിരുന്നില്ല.
കഴിഞ്ഞ സീസണില്‍ എട്ട് മത്സരത്തില്‍ നിന്നും117.86 എന്ന സ്‌ട്രൈക്ക് റേറ്റില്‍ 33 റണ്‍സ് മാത്രമാണ് ഹസരങ്ക നേടിയത്. ബൗളിങ്ങില്‍ ഒമ്പത് വിക്കറ്റ് മാത്രമാണ് താരത്തിന് നേടാന്‍ സാധിച്ചത്.
എന്നാല്‍ ശേഷം നടന്ന എല്‍.പി.എല്ലില്‍ അവിശ്വസനീയ പ്രകടനമാണ് താരം നടത്തിയത്. ക്യാപ്റ്റന്റെ റോളില്‍ ബി ലവ് കാന്‍ഡിയെ കിരീടത്തിലേക്ക് നയിച്ചാണ് താരം തിളങ്ങിയത്.
ഇതിന് പുറമെ വിക്കറ്റ് വേട്ടക്കാരുടെ പട്ടികയിലും റണ്‍ വേട്ടക്കാരുടെ പട്ടികയിലും ഒന്നാം സ്ഥാനത്തെത്തിയ ഹസരങ്ക ടൂര്‍ണമെന്റിന്റെ താരമായും തെരഞ്ഞെടുക്കപ്പെട്ടിരുന്നു.
ഐ.പി.എല്‍ 2024ന് മുന്നോടിയായി ആര്‍.സി.ബി നിലനിര്‍ത്തിയ താരങ്ങള്‍
