തുടര്‍ച്ചയായ അഞ്ച് മത്സരങ്ങളില്‍ പരാജയം രുചിച്ച ശേഷം വുമണ്‍സ് പ്രീമിയര്‍ ലീഗില്‍ ആദ്യ വിജയം സ്വന്തമാക്കി റോയല്‍ ചലഞ്ചേഴ്‌സ് ബെംഗളൂരു. യു.പി വാറിയേഴ്‌സിനെതിരായ മത്സരത്തില്‍ അഞ്ച് വിക്കറ്റിനായിരുന്നു ആര്‍.സി.ബിയുടെ വിജയം.
നേരത്തെ ടോസ് നേടിയ ആര്‍.സി.ബി എതിരാളികളെ ബാറ്റിങ്ങിനയക്കുകയായിരുന്നു. ക്യാപ്റ്റന്‍ മന്ദാനയുടെ തീരുമാനം ശരിവെക്കുന്ന പ്രകടനമായിരുന്നു ബൗളര്‍മാര്‍ പുറത്തെടുത്തത്.
— Royal Challengers Bangalore (@RCBTweets) March 15, 2023
മറുപടി ബാറ്റിങ്ങിനിറങ്ങിയ ആര്‍.സി.ബി ആരാധകരെ അമ്പരപ്പിച്ചുകൊണ്ട് സോഫി ഡിവൈന്‍ അടി തുടങ്ങി. രണ്ട് ബൗണ്ടറിയും ഒരു സിക്‌സറുമായി ആദ്യ നാല് പന്തില്‍ തന്നെ 14 റണ്‍സ് താരം കൂട്ടിച്ചേര്‍ത്തിരുന്നു. എന്നാല്‍ ആദ്യ ഓവറിലെ അവസാന പന്തില്‍ ഗ്രോസ് ഹാരിസ് ഡിവൈനിനെ മടക്കിയതോടെ ആ വെടിക്കെട്ടിന് വിരാമമായി.
തൊട്ടടുത്ത ഓവറില്‍ ക്യാപ്റ്റന്‍ മന്ദാനയും പുറത്തായിരുന്നു. മൂന്ന് പന്ത് നേരിട്ട് റണ്ണൊന്നും നേടാതെയായിരുന്നു താരത്തിന്റെ മടക്കം. വണ്‍ ഡൗണായെത്തിയ അല്ലിസ് പെറി 13 പന്തില്‍ നിന്നും 10 റണ്‍സ് നേടി പുറത്തായി.
TIMBER! ⚡️@Deepti_Sharma06 gets Smriti Mandhana OUT early 💪 #RCB lose their second wicket.
