'കണ്ടപ്പോള്‍ തന്നെ മോഹന്‍ലാലിന്റെ മകനായി ഇദ്ദേഹം അഭിനയിക്കുമെന്ന് ഉറപ്പിച്ചു'; വൃഷഭയിലേക്ക് റോഷന്‍ മെകയുമെത്തുന്നു
എന്റര്‍ടെയിന്‍മെന്റ് ഡെസ്‌ക്
Thursday, 13th July 2023, 3:24 pm
വൃഷഭയില്‍ മോഹന്‍ലാലിന്റെ മകനായി അഭിനയിക്കാന്‍ റോഷന്‍ മെക എത്തുന്നു. ചിത്രം തെലുങ്ക് – മലയാളം ഭാഷകളിലാണ് ഒരുങ്ങുന്നത്. 2024ലെ തന്നെ ഏറ്റവും വലിയ ചിത്രമായിട്ടാണ് വൃഷഭ അണിയറയില്‍ ഒരുങ്ങുന്നത്. അച്ഛനും മകനും തമ്മിലുള്ള നാടകീയമായ കഥയാണ് ചിത്രം സംസാരിക്കുന്നത്.
റോഷനെ കണ്ട നിമിഷം തന്നെ മോഹന്‍ലാലിന്റെ മകനായി അഭിനയിക്കാന്‍ പോകുന്നത് ഇദ്ദേഹമാണെന്ന് മനസ്സില്‍ ഉറപ്പിച്ചുവെന്ന് സംവിധായകന്‍ നന്ദ കിഷോര്‍ പറഞ്ഞു. റോഷന്റെ മുന്‍പത്തെ ചിത്രങ്ങള്‍ ഞാന്‍ കണ്ടിട്ടുണ്ട്. അദ്ദേഹത്തിന്റെ അഭിനയ മികവ് കണ്ട് ഞാന്‍ ഞെട്ടിയിട്ടുണ്ട്. ചിത്രത്തില്‍ റോഷന്‍ വലിയ സംഭാവനയായിരിക്കുമെന്ന് പ്രതീക്ഷിക്കുന്നു,’ നന്ദ കിഷോര്‍ പറഞ്ഞു.
