ലോകത്തിലെ ഏറ്റവും മികച്ച താരം ക്രിസ്റ്റ്യാനോ റോണാള്‍ഡോ ആണെന്ന കാര്യത്തില്‍ ഫ്രഞ്ച് താരം ബ്ലെയ്‌സ് മറ്റുഈഡിക്ക് സംശയമേതുമില്ല. എന്നാല്‍ ലോകചാംപ്യനായ തന്റെ കൂടെ യുവന്റസില്‍ കളിക്കുന്നതില്‍ താരം അഭിമാനിക്കണം.
ലോകകപ്പില്‍ ഫ്രാന്‍സിന്റെ താരമായിരുന്ന മാറ്റു ഈഡി ഇതുവരെ സ്വപ്നത്തില്‍ നിന്നും മോചിതനായിട്ടില്ല. ലോകകപ്പ് ജയത്തിന് ശേഷം ഇറ്റലിയിലെ തന്റെ ക്ലബായ യുവന്റസിലേക്ക് മടങ്ങിയെങ്കിലും താരത്തിന്റെ മനസ്സ് റഷ്യയിലാണ്.
ക്രിസ്റ്റ്യാനോ ലോകത്തെ ഏറ്റവും മികച്ച താരമാണ്. അദ്ദേഹം ഞങ്ങളുടെ കൂടെ കളിക്കും എന്നത് ഒരു വലിയ വാര്‍ത്തയും. അദ്ദേഹത്തിനും ഇത് സന്തോഷം പകരുന്നുണ്ടാകും, കാരണം ലോകചാംപ്യനോടൊപ്പം ആണല്ലോ ഇനി അദ്ദേഹം ലോക്കര്‍ റൂം പങ്കിടുക. മറ്റു ഈഡി തമാശയായി പറഞ്ഞു.
രണ്ട് വര്‍ഷം മുമ്പ് ഞങ്ങളെ യൂറോ കപ്പില്‍ തോല്‍ പ്പിക്കുന്നതില്‍ അദ്ദേഹം വിജയിച്ചു, എന്നാല്‍ യൂറോകപ്പിലും വലുതാണല്ലോ ലോകകപ്പ്. മറ്റു ഈഡി കൂട്ടിച്ചേര്‍ത്തു.
യുവന്റസിലെ പ്രകടനങ്ങളാണ് ഫ്രാന്‍സിന് വേണ്ടി മികച്ച പ്രകടനം നടത്താന്‍ തന്നെ സഹായിച്ചതെന്നും മറ്റുഈഡി പറഞ്ഞു.