സാമുവല്‍ ഏറ്റു, യായ ടുറേ, ദിദിയര്‍ ദ്രോഗ്ബ എന്നിങ്ങനെ പ്രഗത്ഭരായ നിരവധി താരങ്ങള്‍ക്കൊപ്പം കരിയര്‍ പങ്കുവെച്ചിട്ടുള്ള താരമാണ് ബ്രസീല്‍ ഇതിഹാസം റൊണാള്‍ഡീഞ്ഞോ. എന്നാല്‍ ആഫ്രിക്കന്‍ താരങ്ങളില്‍ തനിക്കേറ്റവും ബെസ്റ്റ് എന്ന് തോന്നിയത് മുഹമ്മദ് സലാ ആണെന്ന് പറഞ്ഞിരിക്കുകയാണ് അദ്ദേഹം. സലായെ കുറിച്ച് താരം മുമ്പ് പറഞ്ഞ വാചകങ്ങള്‍ ഒരിക്കല്‍ കൂടി തരംഗമാവുകയാണിപ്പോള്‍.
‘ആഫ്രിക്കയില്‍ നിന്നുള്ള പ്രഗത്ഭരായ നിരവധി താരങ്ങളെ കണ്ടിട്ടുണ്ട്. സാമുവല്‍ ഏറ്റു, യായ ടുറേ, ദിദിയര്‍ ദ്രോഗ്ബ എന്നിങ്ങനെ എന്റെ സമയത്ത് പലരെയും കണ്ടിട്ടുണ്ട്. എന്നാല്‍ എന്നെ സംബന്ധിച്ച് ആഫ്രിക്കന്‍ താരങ്ങളില്‍ ഏറ്റവും ബെസ്റ്റ് മുഹമ്മദ് സലായാണ്,’ റൊണാള്‍ഡീഞ്ഞോ പറഞ്ഞു.
Ronaldinho on Mo Salah : “I’ve seen so many amazing African players in my time Samuel Eto’o , Yaya Toure ,Didier Drogba but for me Mohammed Salah is the best African player for me “ pic.twitter.com/JdQP53cVb0
— Malakai🇩🇰 (@lfcmaz04) August 22, 2023
ഇതിനിടെ സലാ സൗദി പ്രോ ലീഗ് ക്ലബ്ബായ അല്‍ ഇത്തിഹാദുമായി സൈനിങ് നടത്തുമെന്ന് റിപ്പോര്‍ട്ടുകളുണ്ടായിരുന്നു. 65 ദശലക്ഷം പൗണ്ട് വാര്‍ഷിക പ്രതിഫലത്തില്‍ താരം അല്‍ ഇത്തിഹാദുമായി കരാറിലെത്തി എന്നായിരുന്നു റിപ്പോര്‍ട്ടുകള്‍. എന്നാല്‍ വിഷയത്തില്‍ പ്രതികരിച്ച് പരിശീലകന്‍ യര്‍ഗന്‍ ക്ലോപ്പ് രംഗത്തെത്തിയിരുന്നു.
സലായെ വില്‍പ്പനക്ക് വെച്ചിട്ടില്ലെന്നും അല്‍ ഇത്തിഹാദില്‍ നിന്ന് അങ്ങനെയൊരു ഓഫര്‍ വന്നിട്ടില്ലെന്നുമാണ് ക്ലോപ്പ് പറഞ്ഞത്. ന്യൂ കാസില്‍ യുണൈറ്റഡിനെതിരായ മത്സരത്തിന് ശേഷം മാധ്യമങ്ങളോട് സംസാരിക്കുമ്പോഴാണ് ക്ലോപ്പ് റിപ്പോര്‍ട്ടുകള്‍ നിഷേധിച്ചത്.
