'ആത്മാവില്ലാത്ത രോമാഞ്ചം'; ഒ.ടി.ടിയിലെത്തിയപ്പോള്‍ പാട്ടില്ല; ഡിസ്‌നിക്കെതിരെ പ്രേക്ഷകര്‍
എന്റര്‍ടെയിന്‍മെന്റ് ഡെസ്‌ക്
Friday, 7th April 2023, 10:52 am
ഏറെ നാളത്തെ കാത്തിരിപ്പിനൊടുവില്‍ കഴിഞ്ഞ ദിവസമാണ് രോമാഞ്ചം ഒ.ടി.ടി റിലീസ് ചെയ്തത്. ഡിസ്‌നി പ്ലസ് ഹോട് സ്റ്റാറിലായിരുന്നു ചിത്രം റിലീസ് ചെയ്തത്. 2023 തുടങ്ങി മലയാള സിനിമയിലെ ആദ്യത്തെ സൂപ്പര്‍ ഹിറ്റ് കൂടിയായിരുന്നു രോമാഞ്ചം.
ഒ.ടി.ടിയിലെത്തിയതോടെ പതിപ്പിനെ പറ്റി പരാതി ഉയര്‍ന്നിരിക്കുകയാണ്. പാട്ടുകളില്ലാതെയുള്ള പതിപ്പാണ് ഒ.ടി.ടിയിലെത്തിയിരിക്കുന്നത്. വോക്കല്‍സ് ഇല്ലാത്ത കരോക്കേ രൂപത്തിലാണ് പാട്ടുകള്‍ ഡിസ്‌നിയില്‍ കാണുന്നത്.
ആദരാഞ്ജലി, ആത്മാവേ പോ, തല തെറിച്ചവര്‍ തുടങ്ങിയ സുഷിന്‍ ശ്യാം സംഗീതം നല്‍കിയ പാട്ടുകള്‍ ചിത്രത്തിന്റെ ജനപ്രീതിയില്‍ വലിയ പങ്കു വഹിച്ചിരുന്നു. പാട്ടുകളില്ലാത്തത് ചിത്രത്തിന്റെ ആസ്വാദനത്തെ ബാധിക്കുന്നു എന്നാണ് പ്രേക്ഷകരുടെ പരാതി.
