ഡബ്ല്യൂ.ഡബ്ല്യൂ. ഇ ചാമ്പ്യന്‍ റോമന്‍ റെയ്ങ്‌സിന്റെ നീണ്ട മൂന്നര വര്‍ഷക്കാലത്തെ സ്ട്രീക്ക് അവസാനിപ്പിച്ച് ജേ ഊസോ. ഡബ്ല്യൂ.ഡബ്ല്യൂ. ഇ മണി ഇന്‍ ദി ബാങ്ക് പേ പെര്‍ വ്യൂവിലാണ് റോമന്‍ റെയ്ന്‍സിന് പരാജയം രുചിക്കേണ്ടി വന്നത്.
മൂന്നര വര്‍ഷക്കാലമായി ഒരു സൂപ്പര്‍സ്റ്റാര്‍ പോലും പിന്‍ ചെയ്തിട്ടില്ലെന്ന റോമന്റെ റെക്കോഡാണ് മണി ഇന്‍ ദി ബാങ്കില്‍ അവസാനിച്ചത്. സ്വന്തം കസിന്‍ ബ്രദര്‍ കൂടിയായ ജേ ഊസോയാണ് റോമനെ പിന്‍ ചെയ്തത്.
റോമനും ഊസോസും റോമൻ്റെ മറ്റൊരു കസിൻ കൂടിയായ സോളോ സിക്കോവയും അടങ്ങുന്ന ബ്ലഡ് ലൈൻ എന്ന ഫാക്ഷനിലെ പടലപ്പിണക്കങ്ങള്‍ മികച്ച സ്‌റ്റോറി ലൈനിലൂടെ അവതരിപ്പിച്ചപ്പോള്‍ വളരെ മികച്ച ഒരു കൊറിയോഗ്രാഫിക് മാച്ചാണ് ഡബ്ല്യൂ.ഡബ്ല്യൂ. ഇ യൂണിവേഴ്‌സിന് ലഭിച്ചത്.
മത്സരത്തിന്റെ അവസാന ഘട്ടത്തില്‍ ഡബിള്‍ സൂപ്പര്‍ കിക്കിലൂടെ സോളോ സിക്കോവയെ ചിത്രത്തില്‍ നിന്നും ഒഴിവാക്കിയ ഊസോസ്, റോമനെ തങ്ങളുടെ ഫിനിഷറായ ഊസോ സ്പ്ലാഷ് ഹിറ്റ് ചെയ്യുകയും പിന്‍ ചെയ്യുകയുമായിരുന്നു. ഇതോടെ ഊസോസ് സിവില്‍ വാറില്‍ വിജയിക്കുകയും ചെയ്തു.
ഈ പേ പെര്‍ വ്യൂവിന്റെ മെയ്ന്‍ അട്രാക്ഷനായ മെന്‍സ് മണി ഇന്‍ ദി ബാങ്ക് ലാഡര്‍ മാച്ചില്‍ ഡെയ്മിയന്‍ പ്രീസ്റ്റായിരുന്നു വിജയിച്ചത്. മിസ് മണി ഇന്‍ ദി ബാങ്ക് മാച്ചില്‍ ഇയോ സ്‌കൈയും വിജയിച്ചു. ഒരു വര്‍ഷം എപ്പോള്‍ വേണെങ്കിലും MITB ബ്രീഫ്‌കെയ്‌സ് കാഷ് ഇന്‍ ചെയ്യാനും ചാമ്പ്യന്‍ഷിപ്പ് മാച്ച് നേടിയെടുക്കാനും സാധിക്കും.
ഡബ്ല്യൂ.ഡബ്ല്യൂ. ഇ മണി ഇന്‍ ദി ബാങ്ക് 2023 റിസള്‍ട്‌സ്
മെന്‍സ് മണി ഇന്‍ ദി ബാങ്ക് ലാഡര്‍ മാച്ച്
ഡെയ്മിയന്‍ പ്രീസ്റ്റ്, ബുച്ച്, സാന്റഓസ് എസ്‌കോബാര്‍, എല്‍. എ. നൈറ്റ്, ഷിന്‍സുകെ നാകാമുറ, ലോഗന്‍ പോള്‍, റിക്കോഷെറ്റ്
വിജയി: ഡെയ്മിയന്‍ പ്രീസ്റ്റ്
വിമണ്‍സ് ടാഗ് ടീം ചാമ്പ്യന്‍ഷിപ്പ് മാച്ച്
റോണ്ട റൗസി, ഷെയ്‌ന ബെയ്‌സ്‌ലര്‍ (ചാമ്പ്യന്‍സ്) vs റിക്വല്‍ റോഡ്രിഗസ്, ലിവ് മോര്‍ഗന്‍
വിജയികള്‍: റിക്വല്‍ റോഡ്രിഗസ്, ലിവ് മോര്‍ഗന്‍ (ന്യൂ ചാമ്പ്യന്‍സ്)
ഇന്റര്‍കോണ്ടിനെന്റല്‍ ചാമ്പ്യന്‍ഷിപ്പ് മാച്ച്
ഗുന്‍തര്‍ (ചാമ്പ്യന്‍) vs മാറ്റ് റിഡില്‍
വിജയി: ഗുന്‍തര്‍ (ചാമ്പ്യന്‍ഷിപ്പ് റിറ്റെയ്ന്‍ഡ്)
കോഡി റോഡ്‌സ് vs ഡൊമനിക് മിസ്റ്റീരിയോ
വിജയി: കോഡി റോഡ്‌സ്
വിമണ്‍സ് മണി ഇന്‍ ദി ബാങ്ക് ലാഡര്‍ മാച്ച്
ബെയ്‌ലി, ബെക്കി ലിഞ്ച്, സലീന വേഗ, ഇയോ സ്‌കൈ, ട്രിഷ് സ്ട്രാറ്റസ്, സോയ് സ്റ്റാര്‍ക്
വിജയി: ഇയോ സ്‌കൈ
വേള്‍ഡ് ഹെവിവെയ്റ്റ് ചാമ്പ്യന്‍ഷിപ്പ്
സെത് റോളിന്‍സ് (ചാമ്പ്യന്‍) vs ഫിന്‍ ബാലര്‍
വിജയി: സെത് റോളിന്‍സ് (ചാമ്പ്യന്‍ഷിപ്പ് റിറ്റെയ്ന്‍ഡ്)
ബ്ലഡ്‌ലൈന്‍ സിവില്‍ വാര്‍
റോമന്‍ റെയ്ന്‍സ്, സോളോ സിക്കോവ vs ദി ഊസോസ്
വിജയികള്‍: ദി ഊസോസ്
Content highlight: Roman Reigns pinned in WWE Money In The Bank 2023