ന്യൂസിലാന്‍ഡിന്റെ ഇന്ത്യന്‍ പര്യടനത്തിലെ അവസാന ടെസ്റ്റിലും ഇന്ത്യ ദയനീയമായി പരാജയപ്പെടുകയായിരുന്നു. വാംഖഡെ ക്രിക്കറ്റ് സ്റ്റേഡിയത്തില്‍ നടന്ന മത്സരത്തില്‍ 25 റണ്‍സിന്റെ തോല്‍വിയാണ് ഇന്ത്യക്ക് നേരിടേണ്ടി വന്നത്. ഇതോടെ മൂന്ന് മത്സരങ്ങളുടെ പരമ്പരയിലെ മൂന്ന് മത്സരങ്ങളും പരാജയപ്പെട്ടാണ് ഇന്ത്യ തലകുനിച്ചു നില്‍ക്കുന്നത്.
ഇനി ഇന്ത്യയുടെ മുന്നിലുള്ളത് നവംബര്‍ 22മുതല്‍ ഓസ്ട്രേലിയയില് നടക്കുന്ന ബോര്‍ഡര്‍ ഗവാസ്‌കര്‍ ട്രോഫിയാണ്. ടൂര്‍ണമെന്റിന് മുന്നോടിയായി ഇന്ത്യന്‍ ക്യാപ്റ്റന്‍ രോഹിത് ശര്‍മ സംസാരിച്ചിരുന്നു. കിവീസിനെതിരെ ടീം വലിയ പരാജയമാണ് ഏറ്റുവാങ്ങിയത്. ക്യാപ്റ്റന്‍സിയിലും ബാറ്റിങ്ങിലും ടീമെന്ന നിലയിലും മെച്ചപ്പെടാനും ഓസ്ട്രേലിയയില് മികച്ച പ്രകടനം നടത്താനും ശ്രദ്ധ കേന്ദ്രീകരിക്കണമെന്ന് രോഹിത് പറഞ്ഞു.
‘ഒരു കളിക്കാരന്‍ എന്ന നിലയിലും ഒരു ക്യാപ്റ്റന്‍ എന്ന നിലയിലും ഒരു ടീം എന്ന നിലയിലും നമ്മള്‍ വളരെ ശ്രദ്ധിക്കേണ്ടതുണ്ട്. ഇവിടെ നമുക്ക് നേടാന്‍ കഴിയാത്തത് എങ്ങനെ ശരിയാക്കാമെന്ന് നോക്കണം. ഇവിടെ നമുക്ക് കാര്യമായി എന്തെങ്കിലും ചെയ്യാന്‍ സാധിക്കും, അതിനുള്ള എല്ലാ അവസരങ്ങളുമുണ്ട്. ഓസ്‌ട്രേലിയ വളരെ സ്‌പെഷ്യലാണ്,’ ബോര്‍ഡര്‍ ഗവാസ്‌കര്‍ ട്രോഫിക്ക് മുന്നോടിയായി രോഹിത് പറഞ്ഞു.
രോഹിത് ശര്‍മ (ക്യാപ്റ്റന്‍), ജസ്പ്രീത് ബുംറ, യശസ്വി ജെയ്സ്വാള്‍, അഭിമന്യു ഈശ്വരന്‍, ശുഭ്മാന്‍ ഗില്‍, വിരാട് കോഹ്ലി, കെ.എല്‍. രാഹുല്‍, റിഷബ് പന്ത്, സര്‍ഫറാസ് ഖാന്‍, ധ്രുവ് ജുറെല്‍, ആര്‍. അശ്വിന്‍, രവീന്ദ്ര ജഡേജ, മുഹമ്മദ് സിറാജ്, ആകാശ് ദീപ്, പ്രസിദ് കൃഷ്ണ, ഹര്‍ഷിത് റാണ, നിതീഷ് കുമാര്‍ റെഡ്ഡി, വാഷിങ്ടണ്‍ സുന്ദര്‍
ആദ്യ ടെസ്റ്റ് – നവംബര്‍ 22 മുതല്‍ 26 വരെ – ഒപ്റ്റസ് സ്റ്റേഡിയം, പെര്‍ത്ത്.
രണ്ടാം ടെസ്റ്റ് – ഡിസംബര്‍ 6 മുതല്‍ 10 വരെ – അഡ്‌ലെയ്ഡ് ഓവല്‍.
മൂന്നാം ടെസ്റ്റ് – ഡിസംബര്‍ 14 മുതല്‍ 18 വരെ – ദി ഗാബ, ബ്രിസ്‌ബെയ്ന്‍.
ബോക്‌സിങ് ഡേ ടെസ്റ്റ് – ഡിസംബര്‍ 26 മുതല്‍ 30 വരെ – മെല്‍ബണ്‍ ക്രിക്കറ്റ് ഗ്രൗണ്ട്.
അവസാന ടെസ്റ്റ് – ജനുവരി 3 മുതല്‍ 7 വരെ – സിഡ്‌നി ക്രിക്കറ്റ് ഗ്രൗണ്ട്.
Content Highlight: Rohit Sharma Talking About Border Gavasker Trophy