251-ാം മത്സരം വേണ്ടത് 61 റണ്‍സ്; ഫൈനലില്‍ രോഹിത്തിനെ കാത്ത് അടുത്ത റെക്കോഡ്
സ്പോര്‍ട്സ് ഡെസ്‌ക്
Saturday, 16th September 2023, 10:40 pm
ഏഷ്യാ കപ്പ് ഫൈനലില്‍ ഇന്ത്യന്‍ നായകന് രോഹിത് ശര്‍മയെ കാത്ത് വമ്പന്‍ റെക്കോഡ്. ഏഷ്യാ കപ്പില്‍ 61 റണ്‍സ് കൂടി നേടിയാല്‍ ടൂര്‍ണമെന്റില്‍ 1000 റണ്‍സ് തികക്കാന്‍ രോഹിത്തിനാകും. അങ്ങനെയാണെങ്കില്‍ ഏഷ്യാ കപ്പ് ടൂര്‍ണമെന്റിന്റെ ചരിത്രത്തില്‍ തന്നെ 1000 റണ്‍സ് നേടുന്ന ഇന്ത്യന്‍ താരമാകാന്‍ ഇന്ത്യന്‍ നായകന് സാധിക്കും.
ഫൈനലില്‍ ഹോസ്റ്റ് രാജ്യങ്ങളില്‍ ഒന്നായ ശ്രീലങ്കയാണ് ഇന്ത്യയുടെ എതിരാളികള്‍. സൂപ്പര്‍ ഫോറില്‍ രണ്ട് മത്സരങ്ങള്‍ വിജയിച്ചാണ് ഇരു ടീമുകളും ഫൈനലില്‍ പ്രവേശിച്ചത്. ഇന്ത്യ പാകിസ്ഥാനെയും ലങ്കയെയും തോല്‍പിച്ചപ്പ് ബംഗ്ലാദേശിനെതിരെ തോറ്റപ്പോള്‍, പാകിസ്ഥാനെയും ബംഗ്ലാദേശിനെയും കീഴടക്കിയാണ് ലങ്കയുടെ വരവ്.
