'കൂള്‍' ഫെഡറര്‍ 'ഹോട്ട്' ആയി; ദ്യോക്കോവിച്ചിനു പുറമേ റോജര്‍ ഫെഡററും ഷാങ്ഹായ് ടൂര്‍ണമെന്റില്‍ നിന്നു പുറത്ത്; വിവാദമായി കോര്‍ട്ടിലെ പെരുമാറ്റം- വീഡിയോ
സ്പോര്‍ട്സ് ഡെസ്‌ക്
Friday, 11th October 2019, 9:08 pm
ഷാങ്ഹായ്: കളിക്കളത്തില്‍ പൊതുവേ സൗമ്യനാണ് സ്വിസ് താരം റോജര്‍ ഫെഡറര്‍. എന്നാല്‍ ഇന്നുനടന്ന ഷാങ്ഹായ് മാസ്റ്റേഴ്‌സ് ടൂര്‍ണമെന്റിന്റെ ക്വാര്‍ട്ടര്‍ ഫൈനലില്‍ കാര്യങ്ങള്‍ കൈവിട്ടുപോയതോടെ മറ്റൊരു ഫെഡററെയാണ് കാണാന്‍ സാധിച്ചത്.
ജര്‍മന്‍ താരം അലക്‌സാണ്ടര്‍ സ്വരേവുമായുള്ള മത്സരത്തിനിടെ കോപാകുലനായി കോര്‍ട്ടില്‍ വെച്ച് രണ്ടുതവണ പന്ത് അടിച്ച ഫെഡറര്‍ക്ക് ഒരു പോയിന്റ് പെനാല്‍റ്റിയായി നല്‍കേണ്ടി വന്നു.
അവിടെയും തീര്‍ന്നില്ല. മത്സരത്തിലുടനീളം വികാരാധീനനായി കാണപ്പെട്ട താരത്തിന് മത്സരം ഒന്നിനെതിരെ രണ്ട് സെറ്റുകള്‍ക്ക് അടിയറ വെയ്‌ക്കേണ്ടി വന്നു.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
ഷാങ്ഹായ് മാസ്റ്റേഴ്‌സ് ടൂര്‍ണമെന്റില്‍ നിന്നു പുറത്താകുന്ന രണ്ടാമത്തെ സൂപ്പര്‍ താരമാണ് ഫെഡറര്‍. നേരത്തേ നൊവാക് ദ്യോക്കോവിച്ചും പുറത്തായിരുന്നു.
