ടൈംസ് സ്‌ക്വയറില്‍ റോക്കട്രി ദി നമ്പി ഇഫക്ട്; മാധവനൊപ്പം ട്രെയ്‌ലര്‍ കണ്ട് നമ്പി നാരായണന്‍
എന്റര്‍ടെയിന്‍മെന്റ് ഡെസ്‌ക്
Sunday, 12th June 2022, 5:44 pm
നമ്പി നാരായണന്റെ ജീവിതം സിനിമയാകുന്ന റോക്കട്രി ദി നമ്പി ഇഫക്ട് എന്ന ചിത്രത്തിന്റെ ട്രെയ്‌ലര്‍ ലോകത്തിലെ ഏറ്റവും വലിയ ബില്‍ബോര്‍ഡ് ആയ ന്യൂ യോര്‍ക്കിലെ ടൈംസ് സ്‌ക്വയറില്‍ ലോഞ്ച് ചെയ്തു. നമ്പി നാരായണന്റേയും മാധവന്റേയും സാന്നിധ്യത്തിലാണ് ടൈംസ് സ്‌ക്വയറില്‍ ട്രെയ്‌ലര്‍ ലോഞ്ച് ചെയ്തത്.
മാധവനാണ് നമ്പി നാരായണനായി വേഷമിടുന്നത്. ആര്‍. മാധവന്റെ ആദ്യ സംവിധാന സംരംഭം കൂടിയാണ് റോക്കട്രി ദി നമ്പി ഇഫക്റ്റ്. മാധവന്‍ തന്നെയാണ് ചിത്രത്തിന്റെ രചനയും സംവിധാനവും നിര്‍വഹിച്ചിരിക്കുന്നത്. 75-ാമത് കാന്‍ ഫിലിം ഫെസ്റ്റിവലില്‍ ആര്‍ മാധവന്റെ റോക്കട്രി ദി നമ്പി ഇഫക്റ്റ് കയ്യടികള്‍ ഏറ്റുവാങ്ങിയിരുന്നു.
