എന്തിന് സുരേഷ് ഗോപി പാപ്പന്‍ ചെയ്യണമെന്ന് പറയുന്നതിന് മുമ്പ് ഞാനൊരു ചോദ്യം ചോദിച്ചു, ആ ചോദ്യത്തില്‍ അദ്ദേഹം ഓകെ പറഞ്ഞു: ആര്‍.ജെ ഷാന്‍
എന്റര്‍ടെയിന്‍മെന്റ് ഡെസ്‌ക്
Saturday, 24th September 2022, 7:37 pm
ജോഷിയുടെ സംവിധാനത്തില്‍ സുരേഷ് ഗോപി നായകനായി അടുത്തിടെ പുറത്ത് വന്ന സിനിമയാണ് പാപ്പന്‍. ആര്‍.ജെ. ഷാനിന്റെ തിരക്കഥയില്‍ വന്ന ചിത്രം വലിയ വിജയമാണ് നേടിയത്. ചിത്രത്തിന് സുരേഷ് ഗോപി യെസ് പറഞ്ഞ അനുഭവം പങ്കുവെക്കുകയാണ് ക്ലബ്ബ് എഫ്.എമ്മിന് നല്‍കിയ അഭിമുഖത്തില്‍ ആര്‍.ജെ. ഷാന്‍.
‘നൈല ഉഷ മരിക്കുന്ന രാത്രിയെ പറ്റിയാണ് സുരേഷേട്ടനോട് ആദ്യം പറഞ്ഞുകൊടുത്തത്. എബ്രഹാമിനെ ഇന്നത്തെ എബ്രഹാമാക്കി തീര്‍ത്ത ആ രാത്രിയാണ് ഞാന്‍ ബാക്ക് സ്റ്റോറിയായി പറഞ്ഞുകൊടുത്തത്. എന്തിന് സുരേഷ് ഗോപി ഇത് ചെയ്യണമെന്നതിന് മുമ്പ് മറ്റൊരു കാര്യം സുരേഷേട്ടനോട് പറഞ്ഞു. ഒരു കാലത്തെ ഫയര്‍ബ്രാന്റായിട്ടുള്ള പൊലീസുകാരന്റെ അറുപതുകള്‍ എങ്ങനെയാവുമെന്ന് സുരേഷേട്ടനല്ലാതെ വേറാര് കാണിക്കുമെന്ന് ഞാന്‍ ചോദിച്ചു. അതിലാണ് അദ്ദേഹം ഓകെ പറഞ്ഞത്,’ ഷാന്‍ പറഞ്ഞു.
