'ഹിന്ദിക്കാരുടെ കുട്ടിയല്ലേയെന്ന് ചോദിച്ചു, അഞ്ച് വയസുകാരിയുടെ അന്ത്യകര്‍മ്മത്തിന് പൂജാരിമാര്‍ തയ്യാറായില്ല'
ഡൂള്‍ന്യൂസ് ഡെസ്‌ക്
Sunday, 30th July 2023, 1:27 pm
കൊച്ചി: കഴിഞ്ഞ ദിവസം ആലുവയില്‍ കൊല്ലപ്പെട്ട അഞ്ചുവയസുകാരി പെണ്‍കുട്ടിയുടെ അന്ത്യകര്‍മ്മം ചെയ്യാന്‍ പൂജാരിമാര്‍ തയ്യാറായില്ലെന്ന് അന്ത്യകര്‍മ്മം ചെയ്ത രേവത്. ഒരു പുജാരിയും പെണ്‍കുട്ടിയുടെ അന്ത്യ കര്‍മ്മം ചെയ്യാന്‍ തയ്യാറായില്ല. ഹിന്ദിക്കാരുടെ കുട്ടിയല്ലേ എന്നാണ് ഇവരൊക്കെ ചോദിച്ചെതെന്നും രേവത് മാധ്യമങ്ങളോട് പറഞ്ഞു. തനിക്ക് ഒരു കര്‍മ്മവും പൂര്‍ണമായും അറിഞ്ഞിട്ടല്ല ചെയ്തതെന്നും പെണ്‍കുട്ടിയെ അപമാനിച്ചവര്‍ മനുഷ്യരല്ലെന്നും രേവത് കൂട്ടിച്ചേര്‍ത്തു.
‘ആലുവയില്‍ പോയി, മാളയില്‍ പോയി. അതേപോലെ കുറുമശ്ശേരി ഭാഗത്തൊക്കെ പോയി ആരാഞ്ഞു. ഒരു പുജാരിയും പെണ്‍കുട്ടിയുടെ അന്ത്യ കര്‍മ്മം ചെയ്യാന്‍ തയ്യാറായില്ല. അവരൊന്നും മനുഷ്യന്മാരല്ല.
ഹിന്ദിക്കാരിയുടെ കുട്ടിയല്ലെ എന്നാണ് അവരൊക്കെ ചോദിച്ചത്.
ഹിന്ദിക്കാരിയുടെ കുട്ടിയാണെങ്കിലെന്താ.? മനുഷ്യന്മാരല്ലേ.
