ന്യൂദല്‍ഹി: ദല്‍ഹിയില്‍ അശോക് വിഹാറില്‍ അക്രമികള്‍ തീവെച്ച് നശിപ്പിച്ച മുസ്‌ലീം പള്ളിക്ക് മുന്‍പില്‍ കത്തിയെരിഞ്ഞ വിശുദ്ധ ഖുറാന്റെ പേജുകള്‍ ശേഖരിച്ച് ഹിന്ദു യുവാക്കള്‍.
പള്ളിക്ക് മുന്‍പില്‍ മുസ്‌ലീം യുവാക്കള്‍ക്കൊപ്പം ചേര്‍ന്നാണ് ഹിന്ദുക്കളും ഖുറാന്റെ പേജുകള്‍ ശേഖരിച്ചത്. പള്ളിക്ക് മുന്‍പിലായി ചിതറിക്കിടക്കുന്ന നിലയിലായിരുന്നു പേജുകള്‍. ഈ പേജുകളാണ് യുവാക്കള്‍ നിലത്തിരുന്നത് പെറുക്കിയെടുത്തത്.
‘ഈ ഐക്യമാണ് ബി.ജെ.പിക്ക് തകര്‍ക്കേണ്ടത്’ എന്നുപറഞ്ഞ് നിരവധി പേര്‍ ഈ വീഡിയോ ഷെയര്‍ ചെയ്യുന്നുണ്ട്. പള്ളിയിലെത്തിയ അക്രമികള്‍ പള്ളിയില്‍ തീയിടുകയും പള്ളിക്കുള്ളില്‍ നിന്നും ഖുറാന്‍ എടുത്തുകൊണ്ട് വന്ന് കീറിയെറികയും കത്തിക്കുകയുമായിരുന്നു.
Hindus and Muslims collecting burnt pages of Quran outside the Masjid that was vandalized in Ashok Nagar, Delhi yesterday.
Such is the unity of India that BJP wants to break pic.twitter.com/j4U2qpM9bk
— Kamran (@CitizenKamran) February 26, 2020
