'രാജ്യത്തെ വിഭജിക്കുന്നതിനിടയില്‍ സമയം കിട്ടുകയാണെങ്കില്‍ ഇതൊന്ന് വായിക്കണം'; മോദിക്ക് ഭരണഘടന അയച്ചുകൊടുത്ത് കോണ്‍ഗ്രസ്
ഡൂള്‍ന്യൂസ് ഡെസ്‌ക്
Sunday, 26th January 2020, 6:03 pm
റിപബ്ലിക് ദിനത്തില്‍ പ്രധാനമന്ത്രി നരേന്ദ്ര മോദിക്ക് ഭരണഘടനയുടെ പകര്‍പ്പ് അയച്ചുകൊടുത്ത് കോണ്‍ഗ്രസ്. രാജ്യത്തെ വിഭജിക്കുന്നതിനിടയില്‍ സമയം കിട്ടുമ്പോള്‍ വായിച്ചുനോക്കണം എന്ന വാചകവുമായാണ് കോണ്‍ഗ്രസ് മോദിക്ക് ഭരണഘടന അയച്ചത്.
‘പ്രിയ പ്രധാനമന്ത്രീ,
ഭരണഘടന ഉടന്‍തന്നെ നിങ്ങളുടെ പക്കലെത്തും. രാജ്യത്തെ വിഭജിക്കുന്നതിനിടയില്‍ താങ്കള്‍ക്ക് സമയം കിട്ടുകയാണെങ്കില്‍ ദയവായി അതൊന്ന് വായിക്കണം.
എന്ന് കോണ്‍ഗ്രസ്’, കോണ്‍ഗ്രസ് ട്വിറ്ററില്‍ കുറിച്ചത് ഇങ്ങനെ.
പാര്‍ട്ടിയുടെ ഔദ്യോഗിക പേജിലൂടെയാണ് പ്രധാനമന്ത്രിക്ക് ഭരണഘടനയുടെ പകര്‍പ്പ് അയച്ച വിവരം അറിയിച്ചിരിക്കുന്നത്.
