വിരമിക്കുന്നതിനെ കുറിച്ചൊന്നും നിലവില്‍ ചിന്തിക്കാത്ത ഹസാര്‍ഡ് ഇനിയും കളിക്കളത്തില്‍ തുടരാനാണ് ആഗ്രഹിക്കുന്നതെന്ന് പ്രമുഖ സ്പാനിഷ് പത്രമായ ഡിയാരിയോ എ.എസ്. റിപ്പോര്‍ട്ട് ചെയ്തിരുന്നു.
മികച്ച കോംപറ്റീറ്റീവ് ഫുട്‌ബോള്‍ കളിക്കാന്‍ ആഗ്രഹിക്കുന്നതിനാലാണ് താരം മെസിക്കൊപ്പം ഒരേ ടീമില്‍ കളിക്കാന്‍ വിസമ്മതിച്ചതെന്നാണ് റിപ്പോര്‍ട്ടുകള്‍.
എന്നാല്‍ ഹസാര്‍ഡ് ഇനി എവിടെ കളിക്കുമെന്ന ചോദ്യങ്ങളും ഉയരുന്നുണ്ട്. നിലവില്‍ യൂറോപ്യന്‍ ക്ലബ്ബുകളൊന്നും ഹസാര്‍ഡിനെ പരിഗണിച്ചിട്ടില്ല. അതിനാല്‍ തന്നെ താരം സൗദി അറേബ്യയിലേക്കോ സൗത്ത് അമേരിക്കയിലേക്കോ യു.എസ്.എയിലേക്കോ ചുവടുമാറ്റം നടത്തിയേക്കും.
എം.എല്‍.എസിലേക്കാണ് താരം ചേക്കാറാന്‍ ഒരുങ്ങുന്നതെങ്കില്‍ സെപ്റ്റംബര്‍ രണ്ടിനകം സൈനിങ് പൂര്‍ത്തിയാക്കണം.
ചെല്‍സിയില്‍ നിന്നും 2019ലാണ് ഹസാര്‍ഡ് സാന്റിയാഗോ ബെര്‍ണാബ്യൂവിലേക്കെത്തുന്നത്. 115 മില്യണ്‍ യൂറോക്കാണ് താരം സ്പാനിഷ് വമ്പന്‍മാരുടെ ഔട്ട്ഫിറ്റിലെത്തിയത്.
