ഇന്ത്യാ വിരുദ്ധ ട്വീറ്റുകള്‍ പങ്കുവെച്ചന്ന് പരാതി; ലോകകപ്പ് റിപ്പോര്‍ട്ട് ചെയ്യാനെത്തിയ പാക് അവതാരിക തിരിച്ചുപോയി
സ്പോര്ട്സ് ഡെസ്‌ക്
Tuesday, 10th October 2023, 8:00 am
ഹൈദരാബാദ്: ഏകദിന ലോകകപ്പ് റിപ്പോര്‍ട്ട് ചെയ്യാന്‍ ഇന്ത്യയിലെത്തിയ പാക് സ്പോര്ട്സ് അവതാരിക രാജ്യം വിട്ടതായി റിപ്പോര്‍ട്ട്. ഐ.സി.സി ഡിജിറ്റല്‍ ടീമിന്റെ ഭാഗമായിട്ടാണ് സൈനബ് അബ്ബാസ് ഇന്ത്യയിലേക്ക് ലോകകപ്പ് റിപ്പോര്‍ട്ടിനെത്തിയിരുന്നത്. എന്നാല്‍ വ്യക്തിപരമായ കാരണങ്ങളാലാണ് ഇവര്‍ ഇന്ത്യവിട്ടെന്നാണ് ഹിന്ദുസ്ഥാന്‍ ടൈംസ് അടക്കമുള്ള ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്.
സൈനബ് അബ്ബാസ് നേരത്തെ സോഷ്യല്‍ മീഡിയയില്‍ ഇന്ത്യാ വിരുദ്ധ പോസ്റ്റുകള്‍ ഷെയര്‍ ചെയ്‌തെന്ന് ആരോപിച്ച് അഭിഭാഷകനായ വിനീത് ജിന്‍ഡാര്‍ എന്നയാള്‍ കേന്ദ്ര ആഭ്യാന്തര മന്ത്രിക്കും ദല്‍ഹി പൊലീസിന്റെ സൈബര്‍ സെല്ലിനും ബി.സി.സി.ഐക്കും പരാതി നല്‍കിയിരുന്നു.
Zainab Abbas! pic.twitter.com/e1sdnufA9K
— RVCJ Media (@RVCJ_FB) October 9, 2023
