മുംബൈ: ഇന്ത്യ മുന്നണിയുടെ മുംബൈ യോഗത്തില്‍ നിര്‍ണായക തീരുമാനങ്ങളെടുത്തതായി റിപ്പോര്‍ട്ട്. ലോക്‌സഭാ തെരരഞ്ഞടുപ്പിലെ സീറ്റ് വിഭജനം, സംയുക്ത ഏകോപന സമിതി, പാര്‍ലമെന്റിന്റെ അഞ്ച് ദിവസത്തെ പ്രത്യേക സമ്മേളനത്തിന്റെ പ്രതിപക്ഷ നയം എന്നിവ സംബന്ധിച്ച് യോഗത്തില്‍ തീരുമാനിച്ചതായി വിവിധ ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. ഇതുസംന്ധിച്ച കൂടുതല്‍ വിവരങ്ങള്‍ ഇന്ന് തന്നെ മുന്നണി നേതാക്കള്‍ അറിയിക്കുമെന്നാണ് റിപ്പോര്‍ട്ട്.
പുരോഗമനപരവും ക്ഷേമാധിഷ്ഠിതവും എല്ലാവരെയും ഉള്‍ക്കൊള്ളുന്നതുമായ ഇന്ത്യക്കായി മുന്നണി ഒറ്റക്കെട്ടാണെന്ന് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ ട്വീറ്റ് ചെയ്തു.
‘ബി.ജി.പി ഭരണകൂടം കാര്യങ്ങല്‍ എത്രതന്നെ വഴിതിരിച്ചുവിട്ടാലും ഇന്ത്യയിലെ പൗരന്മാര്‍ ഇനി വഞ്ചിക്കപ്പെടില്ല. 140 കോടി ഇന്ത്യക്കാര്‍ ഒരു മാറ്റം കൊണ്ടുവരാന്‍ തീരുമാനിച്ച സമയമാണിത്. ഈ സ്വേച്ഛാധിപത്യ ഗവണ്‍മെന്റിന്റെ അന്ത്യത്തിനുള്ള കൗണ്ട്ഡൗണ്‍ ആരംഭിച്ചു,’ ഖാര്‍ഗെ ട്വീറ്റ് ചെയ്തു.
INDIA 🇮🇳 pic.twitter.com/WzjbOPvHY0
— Congress (@INCIndia) September 1, 2023
ചന്ദ്രയാന്‍ 3 വിജയകരമായി ലാന്‍ഡിങ്ങില്‍ യോഗത്തില്‍ ഇന്ത്യാ സഖ്യം പ്രമേയം പാസാക്കി. മുന്നണി ഐ.എസ്.ആര്‍.ഒയിലെ ശാസ്ത്രജ്ഞര്‍ക്കൊപ്പമാണെന്നും പതിറ്റാണ്ടുകളുടെ പരിശ്രമമാണ് ഇപ്പോഴത്തെ അഭിമാന നേട്ടത്തിന് പിന്നിലെന്നും ഇന്ത്യ മുന്നണി പ്രസ്താവനയില്‍ പറഞ്ഞു.
‘ഞങ്ങള്‍, ഇന്ത്യന്‍ മുന്നണിയിലെ മുഴുവന്‍ പാര്‍ട്ടികളും ഐ.എസ്.ആര്‍.ഒ കുടുംബത്തിലെ ശാസ്ത്രജ്ഞരെ അഭിനന്ദിക്കുന്നു.
