ഒടുവില്‍ എല്ലാ പ്രതീക്ഷയും മഴ കൊണ്ടുപോകുമോ? ഇന്ത്യാ-പാക് മത്സരം നടക്കുന്ന വേദിയില്‍ മഴക്കോള്‍!
സ്പോര്‍ട്സ് ഡെസ്‌ക്
Friday, 1st September 2023, 11:40 pm
ക്രിക്കറ്റിന്റെ ചരിത്രത്തിലെ തന്നെ ഏറ്റവും വാശിയേറിയ പോരാട്ടങ്ങളില്‍ ഒന്നാണ് ഇന്ത്യ-പാകിസ്ഥാന് പോരാട്ടങ്ങള്‍. ഏഷ്യാ കപ്പ് 2023ലെ അടുത്ത മത്സരം ഇരുവരും തമ്മിലാണ്. മത്സരത്തിന് മുമ്പ് ഒരുപാട് ചര്‍ച്ചകള്‍ ഈ കളിയെ കുറിച്ചുണ്ടാകറുണ്ട്.
സെപ്റ്റംബര്‍ രണ്ട് ശനിയാഴ്ചയാണ് ഇന്ത്യ-പാക് മത്സരം. ഏഷ്യാ കപ്പിലെ മൂന്നാം മത്സരമാണ് ഇത്. രോഹിത് ശര്‍മ നയിക്കുന്ന ഇന്ത്യന്‍ ടീമിന്റെ ഏറ്റവും വലിയ വെല്ലുവിളി പാകിസ്ഥാന് പേസ് ബൗളര്‍മാരാണ്. ലോകത്തിലെ തന്നെ ഏറ്റവും മികച്ച പേസ് ബൗളിങ് അറ്റാക്കായി കണക്കാക്കപ്പെടുന്ന ബൗളിങ്ങാണ് പാകിസ്ഥാന്റേത്.
എന്നാല്‍ ഇന്ത്യന്‍ ബാറ്റര്‍മാര്‍ അതിനെ മറികടക്കാന്‍ കെല്‍പുള്ള പ്രതിഭാശാലികളാണ്. ഇരു ടീമുകളും ഏകദേശം ഒരു വര്‍ഷത്തിന് ശേഷം ഏറ്റുമുട്ടുമ്പോള്‍ മത്സരം കൊഴുക്കുമെന്നുറപ്പാണ്.
