തായ്വാന് പ്രതിരോധ മന്ത്രാലയ ഉദ്യോഗസ്ഥന്‍ കൊല്ലപ്പെട്ട നിലയില്‍; മരിച്ചത് മിസൈല്‍ പ്രൊഡക്ഷന്‍ വിഭാഗം തലവന്‍
ഡൂള്‍ന്യൂസ് ഡെസ്‌ക്
Saturday, 6th August 2022, 12:59 pm
തായ്‌പേയ് സിറ്റി: തായ്വാന് പ്രതിരോധ മന്ത്രാലയത്തിന്റെ തലവനെ മരിച്ച നിലയില്‍ കണ്ടെത്തി.
തായ്വാന് പ്രതിരോധ മന്ത്രാലയത്തിന്റെ റിസര്‍ച് ആന്‍ഡ് ഡെവലപ്‌മെന്റ് യൂണിറ്റിന്റെ ഡെപ്യൂട്ടി ഹെഡ് ഔ യാങ് ലി-ഹ്‌സിംഗിനെ (Ou Yang Li-hsing) ആണ് ഹോട്ടലില്‍ മരിച്ച നിലയില്‍ കണ്ടെത്തിയത്. തായ്വാന് സൈന്യത്തിന്റെ ഉടമസ്ഥതയിലുള്ള നാഷണല്‍ ചുങ്-ഷാന്‍ ഇന്‍സ്റ്റിറ്റ്യൂട്ട് ഓഫ് സയന്‍സ് ആന്‍ഡ് ടെക്നോളജിയുടെ ഡെപ്യൂട്ടി തലവനാണ് ഇദ്ദേഹം.
തായ്‌വാന്റെ മിസൈല്‍ പ്രൊഡക്ഷന്‍ യൂണിറ്റിനെ നയിക്കുന്നതും ഔ യാങ് ലി-ഹ്‌സിംഗ് ആണ്.
ശനിയാഴ്ച തെക്കന്‍ തായ്‌വാനിലെ ഹോട്ടല്‍ മുറിയിലായിരുന്നു ലി-ഹ്‌സിംഗിനെ മരിച്ച നിലയില്‍ കണ്ടെത്തിയത്. തായ്‌വാന്റെ ഔദ്യോഗിക വാര്‍ത്താ ഏജന്‍സിയായ സെന്‍ട്രല്‍ ന്യൂസ് ഏജന്‍സിയാണ് (സി.എന്‍.എ) സംഭവം റിപ്പോര്‍ട്ട് ചെയ്തിരിക്കുന്നത്.
