വെള്ള റിബ്ബണ്‍ ധരിക്കൂ, അല്ലെങ്കില്‍ നിങ്ങള്‍ക്ക് വെടിയേല്‍ക്കാം; മരിയോപോള്‍ നിവാസികള്‍ക്ക് മുന്നറിയിപ്പ് നല്‍കി റഷ്യന്‍ സേന; റിപ്പോര്‍ട്ട്
ഡൂള്‍ന്യൂസ് ഡെസ്‌ക്
Thursday, 21st April 2022, 3:08 pm
മരിയോപോള്‍: വെടിയേല്‍ക്കുന്നത് തടയാന്‍ വെളുത്ത നിറത്തിലുള്ള റിബ്ബണ്‍ ധരിക്കാന്‍ മരിയോപോള്‍ നഗരത്തിലെ ജനങ്ങള്‍ക്ക് നിര്‍ദേശം നല്‍കി റഷ്യന്‍ സേന.
മരിയോപോള്‍ മേയര്‍ തന്നെയാണ്, വസ്ത്രത്തിന് മുകളില്‍ വെള്ള റിബ്ബണ്‍ ധരിച്ചില്ലെങ്കില്‍ ജനങ്ങള്‍ക്ക് റഷ്യന്‍ സേനയുടെ വെടിയേല്‍ക്കാന്‍ സാധ്യതയുണ്ടെന്ന് മരിയോപോളിലെ റഷ്യന്‍ സേന മുന്നറിയിപ്പ് നല്‍കിയതായി പറഞ്ഞത്.
റഷ്യന്‍ സേനയില്‍ നിന്നും ഇത്തരത്തില്‍ ഭീഷണി മുന്നറിയിപ്പ് ലഭിച്ചതായാണ് മരിയോപോള്‍ മേയറുമായി അടുത്ത വൃത്തങ്ങള്‍ പ്രതികരിച്ചത്.
വെള്ള റിബ്ബണ്‍ ധരിക്കാന്‍ മരിയോപോളിലെ ജനങ്ങള്‍ക്ക് മേല്‍ റഷ്യന്‍ സേന സമ്മര്‍ദ്ദം ചെലുത്തുകയാണെന്നാണ് ഉക്രൈന് ആരോപിക്കുന്നത്.
