കേരളത്തിലെ ഐ.ടി മേഖലയില്‍ ഉന്നത സ്ഥാനം കയ്യടക്കി വനിതാ ജീവനക്കാര്‍; മൂന്ന് വര്‍ഷത്തിനിടെ വര്‍ധിച്ചത് 25 മുതല്‍ 30 ശതമാനം വരെ
ഡൂള്‍ന്യൂസ് ഡെസ്‌ക്
Saturday, 7th January 2023, 4:26 pm
ന്യൂദല്‍ഹി: കേരളത്തില്‍ ഐ.ടി മേഖലയില്‍ ഉന്നത, മാനേജ്മെന്റ് മേഖലകളില്‍ വനിതാ ജീവനക്കാരുടെ എണ്ണം വര്‍ധിച്ചുവരുന്നതായി റിപ്പോര്‍ട്ട്. കഴിഞ്ഞ മൂന്ന് വര്‍ഷമായി ഐ.ടി കമ്പനികളില്‍ ഡിസിഷന്‍ മേക്കര്‍മാരായി സേവനമനുഷ്ഠിക്കുന്ന വനിതാ പ്രൊഫഷണലുകളുടെ എണ്ണത്തില്‍ ഗണ്യമായ വര്‍ധനവുണ്ടായി. കേരളത്തില്‍ ഐ.ടി, ബി.പി.എം സ്ഥാപനങ്ങളെ പ്രതിനിധീകരിക്കുന്ന ഗ്രൂപ്പായ ജിടെകാണ് ഈ കണക്കുകള്‍ പുറത്തുവിടുന്നത്.
കണക്കുകള്‍ പ്രകാരം തിരുവനന്തപുരത്തെ ടെക്നോപാര്‍ക്കില്‍ 45 ശതമാനം തൊഴിലാളികളും കൊച്ചിയിലെ ഇന്‍ഫോപാര്‍ക്കിലും കോഴിക്കോട്ടെ സൈബര്‍പാര്‍ക്കിലും 40 ശതമാനം തെഴിലാളികളും വനിതകളാണ്. സംസ്ഥാനത്തെ ഐ.ടി പാര്‍ക്കുകളിലെ ആകെ തൊഴിലാളികള്‍ ഏകദേശം 42 ശതമാനവും വനിതകളാണ്.
