ഇസ്രഈലില്‍ കുടിയേറ്റക്കാരായ കെട്ടിടനിര്‍മാണ തൊഴിലാളികള്‍ മനുഷ്യക്കടത്തിന് വിധേയരാകുന്നു; 2001 മുതലുള്ള കണക്ക് പുറത്ത്
ഡൂള്‍ന്യൂസ് ഡെസ്‌ക്
Thursday, 9th December 2021, 2:46 pm
ടെല്‍ അവീവ്: ഇസ്രഈലില്‍ കുടിയേറ്റ തൊഴിലാളികളില്‍ പലരും അടിമത്തത്തിന് സമാനമായ സാഹചര്യത്തിലാണ് ജോലി ചെയ്യുന്നതും താമസിക്കുന്നതുമെന്ന് റിപ്പോര്‍ട്ട്.
‘ഹോട്ട്‌ലൈന്‍ ഫോര്‍ റെഫ്യൂജീസ് മൈഗ്രന്റ് വര്‍ക്കേഴ്‌സ്’ എന്ന സംഘടനയാണ് ചൊവ്വാഴ്ച റിപ്പോര്‍ട്ട് പുറത്തുവിട്ടത്.
രാജ്യത്തെ കുടിയേറ്റത്തൊഴിലാളികള്‍ക്ക് നീണ്ട ജോലി സമയമാണുള്ളതെന്നും വേണ്ടത്ര ഇടവേളകള്‍ ലഭിക്കുന്നില്ലെന്നും റിപ്പോര്‍ട്ടില്‍ പറയുന്നു. പലരുടേയും പാസ്‌പോര്‍ട്ട് അടക്കമുള്ള രേഖകള്‍ തൊഴിലുടമകള്‍ പിടിച്ചുവെക്കുന്ന പ്രവണതയുണ്ടെന്നും റിപ്പോര്‍ട്ടിലുണ്ട്.
എന്നാല്‍ മരണമോ മറ്റ് അക്രമസംഭവങ്ങളോ നടക്കുമ്പോള്‍ മാത്രമാണ് പൊലീസ് അടക്കം ഇടപെടുന്നതെന്നും തൊഴിലാളികളുടെ മോശം ജോലിസാഹചര്യം സംബന്ധിച്ച് വേണ്ട നടപടികള്‍ സ്വീകരിക്കുന്നില്ലെന്നും പറയുന്നു.
