യു.പിയില്‍ പ്രതിദിനം വിറ്റഴിക്കുന്നത് 115 കോടിയുടെ മദ്യം; എക്‌സൈസ് കണക്ക്
ഡൂള്‍ന്യൂസ് ഡെസ്‌ക്
Friday, 12th May 2023, 9:05 pm
ലഖ്നൗ: ഉത്തര്‍പ്രദേശില്‍ പ്രതിദിനം വിറ്റഴിക്കുന്നത് 115 കോടി മദ്യം. സംസ്ഥാന എക്‌സൈസ് വകുപ്പിന്റെ കണക്കിലാണ് ഇക്കാര്യം പറയുന്നത്. 85 കോടിയായിരുന്നു മുന്‍ കാലങ്ങളില്‍ ഉണ്ടായിരുന്നത്. രണ്ട് വര്‍ഷം കൊണ്ട് ഗണ്യമായ വര്‍ധനവാണ് മദ്യവില്‍പ്പനയില്‍ രേഖപ്പെടുത്തിയതെന്ന് എക്‌സൈസ് വകുപ്പിന്റെ കണക്കുകള്‍ പങ്കുവെച്ച് ഹിന്ദുസ്ഥാന്‍ ടൈംസ് റിപ്പോര്‍ട്ട് ചെയ്തു.
വിവിധ ജില്ലകളില്‍ പ്രതിദിനം 12 മുതല്‍ 15 കോടി രൂപയുടെ മദ്യവില്‍പ്പന നടക്കുന്നുണ്ടെന്നും റിപ്പോര്‍ട്ടില്‍ പറയുന്നു. സംസ്ഥാനത്ത് ഒരു ദിവസം കൊണ്ട് 12 മുതല്‍ 15 കോടി രൂപ വരെ വിലമതിക്കുന്ന മദ്യവും ബിയറും ഉപയോഗിക്കുന്ന ജില്ലകളുണ്ടെന്ന് മുതിര്‍ന്ന എക്‌സൈസ് ഉദ്യോഗസ്ഥന്‍ ഹിന്ദുസ്ഥാന്‍ ടൈംസിനോട് പറഞ്ഞു.
