കൊവിഡില്‍ സുരക്ഷിത തൊഴില്‍ സാഹചര്യമില്ലെങ്കില്‍ സമരമെന്ന് ജീവനക്കാര്‍; റെനോള്‍ട്ടും നിസാനും ചെന്നൈയിലെ പ്രവര്‍ത്തനം താല്‍ക്കാലികമായി നിര്‍ത്തി
ഡൂള്‍ന്യൂസ് ഡെസ്‌ക്
Wednesday, 26th May 2021, 11:57 am
ചെന്നൈ: ഫ്രഞ്ച് വാഹനനിര്‍മാതാക്കളായ റെനോള്‍ട്ടും ജാപ്പനീസ് വാഹനനിര്‍മാതാക്കളായ നിസാന്‍ മോട്ടോഴ്‌സും ചെന്നൈയിലെ പ്രവര്‍ത്തനം താല്‍ക്കാലികമായി നിര്‍ത്തിവെച്ചു.
കൊവിഡ് പ്രോട്ടോകോള്‍ പ്രകാരം സുരക്ഷ ഉറപ്പാക്കാത്തതില്‍ പ്രതിഷേധിച്ച് ജീവനക്കാര്‍ സമരം ചെയ്യുമെന്ന് അറിയിച്ചതോടെയാണ് ലോക്ഡൗണ്‍ കഴിയുന്നത് വരെ പ്രവര്‍ത്തനം നിര്‍ത്തിവെക്കുന്നതായി കമ്പനികള്‍ അറിയിച്ചത്.
മേയ് 26 മുതല്‍ 30 വരെയാണ് കമ്പനികള്‍ അടച്ചിടുന്നത്.
കൊവിഡ് പശ്ചാത്തലത്തില്‍ ജോലി ചെയ്യുന്നിടത്ത് ആവശ്യമായ സാമൂഹിക അകലവും സുരക്ഷയും ഉറപ്പാക്കണമെന്നാണ് ജീവനക്കാര്‍ ആവശ്യപ്പെട്ടിരുന്നത്.
