ലോക്ക്ഡൗണില്‍ നിന്ന് പിന്നോട്ടില്ല; ജൂണ്‍ 30 വരെ ആരാധനാലയങ്ങളും മാളുകളും ഹോട്ടലുകളും തുറക്കില്ലെന്ന് ഒഡീഷ
ഡൂള്‍ന്യൂസ് ഡെസ്‌ക്
Monday, 8th June 2020, 1:37 pm
ഭുഭനേശ്വര്‍: ലോക്ക് ഡൗണില്‍ നിന്നും പിന്നോട്ട് പോകാതെ ഒഡീഷ. ജൂണ്‍ 30 വരെ ഷോപ്പിങ് മാളുകളും ഹോട്ടലുകളും റെസ്‌റ്റോറന്റുകളും ആരാധനാലയങ്ങളും അടച്ചിടാനാണ് സര്‍ക്കാരിന്റെ തീരുമാനം. കൊവിഡ് 19 ലെ സംസ്ഥാനത്തിന്റെ സാഹചര്യം കൂടി പരിഗണിച്ചാണ് തീരുമാനം. അതേസമയം ഹോട്ടലുകളില്‍ പാര്‍സല്‍ സര്‍വീസ് അനുവദിക്കുമെന്നും സര്‍ക്കാര്‍ വ്യക്തമാക്കി.
2781 കൊവിഡ് കേസുകളാണ് സംസ്ഥാനത്ത് ഇതുവരെ രജിസ്റ്റര്‍ ചെയ്തിരിക്കുന്നത്. ഇതില്‍ 1716 പേര്‍ക്കും രോഗം ഭേദമായി. ഇതില്‍ എട്ട് പേര്‍ മാത്രമാണ് മരണപ്പെട്ടത്.
