200 കോടിക്ക് ഫര്‍ണിച്ചര്‍ വേണമെന്ന് റിലയന്‍സ്; കേരളത്തിലെ ഏറ്റവും വലിയ ഫര്‍ണിച്ചര്‍ കമ്പനിക്ക് കിട്ടിയ 'പണി'
ഡൂള്‍ന്യൂസ് ഡെസ്‌ക്
Sunday, 14th March 2021, 8:31 am
ആലപ്പുഴ: വിദേശത്തും സ്വദേശത്തുമുള്ള ഓഫീസുകളിലേക്ക് ഫര്‍ണിച്ചര്‍ നല്‍കാമോയെന്ന് ആലപ്പുഴയിലെ ഫര്‍ണിച്ചര്‍ ഉത്പാദകരോട് റിലയന്‍സ്. 200 കോടിയോളം രൂപയുടെ ഓര്‍ഡറാണ് റിലയന്‍സ് നല്‍കിയിരിക്കുന്നത്.
ഫര്‍ണിച്ചര്‍ മാനുഫാക്ചറേഴ്‌സ് ആന്‍ഡ് മര്‍ച്ചന്റ്‌സ് അസോസിയേഷനായ ഫുമ്മയുടെ നേതൃത്വത്തില്‍ നടക്കുന്ന അന്തര്‍ദേശീയ വെര്‍ച്വല്‍ മേളയിലൂടെയാണ് റിലയന്‍സ് ഇന്‍ഡസ്ട്രീസ് ലിമിറ്റഡിന്റെ അന്വേഷണമെത്തിയത്.
കേരളത്തിലെ ഏറ്റവും വലിയ ഫര്‍ണിച്ചര്‍ നിര്‍മാണകമ്പനിയാണ് ഹൈഫണ്‍. എന്നാല്‍ ഒറ്റയടിക്ക് ഇത്രയും വലിയ ഓര്‍ഡര്‍ പൂര്‍ത്തീകരികരിക്കാന്‍ സാധ്യമാകാത്തതിനാല്‍ മറ്റ് ഫര്‍ണിച്ചര്‍ ഉത്പാദകരും ചേര്‍ന്ന് ഓര്‍ഡര്‍ നല്‍കാനാകുമോയെന്ന ആലോചനയിലാണിപ്പോള്‍.
