ഓഹരി വിപണിയില്‍ കൂപ്പുകുത്തി റിലയന്‍സ്; പത്ത് വര്‍ഷത്തെ ഏറ്റവും വലിയ നഷ്ടം
ഡൂള്‍ന്യൂസ് ഡെസ്‌ക്
Monday, 9th March 2020, 2:33 pm
മുംബൈ: അന്താരാഷ്ട്ര വിപണിയില്‍ അസംസ്‌കൃത എണ്ണ വില കുത്തനെ ഇടിഞ്ഞതോടെ ഓഹരി വിപണിയില്‍ കൂപ്പുകുത്തി റിലയന്‍സ്. പത്തുവര്‍ഷത്തെ ഏറ്റവും വലിയ ഇടിവിലാണ് കമ്പനിയുടെ ഓഹരികള്‍.
ലോകത്തിലെ ഏറ്റവും വലിയ അസംസ്‌കൃത എണ്ണ ശുദ്ധീകരണ കേന്ദ്രത്തിന്റെ ഓപ്പറേറ്ററും കൃഷ്ണ ഗോദാവരി തടത്തിലെ കെജി-ഡി 6 തടത്തിന്റെ ഓപ്പറേറ്ററുമായ റിലയന്‍സ് ഇന്‍ഡസ്ട്രീസിന്റെ ഓഹരി 13.65 ശതമാനമാണ് ഇടിഞ്ഞത്. പത്ത് വര്‍ഷത്തിനിടയിലെ ഏറ്റവും വലിയ ഒറ്റ ദിവസത്തെ ഇടിവാണ് കമ്പനി നേരിട്ടുകൊണ്ടിരിക്കുന്നത്.
സ്റ്റേറ്റ് ഓയില്‍ എക്‌സ്‌പ്ലോറര്‍ ഒ.എന്‍.ജി.സിയും 13 ശതമാനം ഇടിഞ്ഞ് 77.80 രൂപയിലെത്തി.
