റിലീസ് പ്രശ്‌നം, ഷോകള്‍ മുടങ്ങി: എന്നിട്ടും ആദ്യ ദിനത്തില്‍ കളക്ഷന്‍ റെക്കോര്‍ഡ് സൃഷ്ടിച്ച് ചിമ്പുവിന്റെ മാനാട്
എന്റര്‍ടെയിന്‍മെന്റ് ഡെസ്‌ക്
Friday, 26th November 2021, 2:35 pm
ചെന്നൈ: തമിഴ്‌നാട്ടില്‍ ആദ്യദിനത്തില്‍ മികച്ച കളക്ഷന്‍ റെക്കോര്‍ഡ് നേടുന്ന ചിത്രങ്ങളിലൊന്നായി ചിമ്പു അഭിനയിച്ച മാനാട്. 7 കോടി രൂപയാണ് തമിഴ്‌നാട്ടില്‍ നിന്ന് മാത്രം ചിത്രം നേടിയത്.
ഈ വര്‍ഷം ഏറ്റവും കൂടുതല്‍ ആദ്യ ദിന കളക്ഷന്‍ നേടുന്ന നാലമത്തെ ചിത്രമായി മാനാട് ഇതോടെ മാറി. മാസ്റ്റര്‍, അണ്ണാത്തെ, കര്‍ണന്‍ എന്നിവയാണ് ഈ വര്‍ഷം ഏറ്റവും കൂടുതല്‍ ആദ്യ ദിന കളക്ഷന്‍ നേടിയ മറ്റു ചി്ത്രങ്ങള്‍.
നിരവധി പ്രശ്‌നങ്ങളാണ് ചിത്രം റിലീസ് ചെയ്യുന്നതിന് മുമ്പായി ചിത്രത്തിന്റെ അണിയറ പ്രവര്‍ത്തകര്‍ക്ക് ഉണ്ടായത്. ചിത്രത്തിന്റെ റിലീസ് അടക്കം അനിശ്ചിതത്തിലായിരുന്നു.
